AM:10:15:24/04/2024
316 جار خوێندراوەتەوە
+
-
ژێدەرەکی ژ پۆلیسێن
کەلار بۆ دیجیتال میدیایا ئێن ئاڕ تی ڕاگەهاند، هژمارەکا توهمەتباران کو فەرمانا
دەستەسەرکرنێ بۆ دەرچوویە بەری سپێدەهیا ئەڤرۆ ل باوەنور – کەلار دەستدرێژیا گوللـەیان
ل بنگەهێ پۆلیسێن 104 و رێڤەبەریا پۆلیسێن کەلار کرینە، دبێژیت ژی،
"توهمەتبار سێ کەس بوون و د نها دا هاتینە دەستەسەرکرن".
ئەڤرۆ چارشەمبی، ژێدەرەکی
ژ رێڤەبەریا پۆلیسێن گەرمیان بۆ ئین ئاڕ تی ڕاگەهاند، بەری سپێدەهیا رۆژا 24ـێ نیسانێ
سێ توهمەتباران کو فەرمانا دەستەسەرکرنێ ب
سەدەما هژمارەکا تاوانان بۆ دەرچوویە ل باژارۆکێ باوەنور – کەلار دەستدرێژیا گوللـەیان
ل بنگەهێ پۆلیسێن باوەنور کرینە.
ئاماژە ب وێ یەکێ ژی کر،
ژبلی کو دەستدرێژیا گوللـەیان ل بنگەهێ باوەنور کرینە د هەمان دەم دا تەقە ل
ترۆمبێلا رێڤەبەرێ پۆلیسێن کەلار ژی کرینە، گوت ژی، "رووبرووبوون دناڤبەرا
هێزێن پۆلیس و توهمەتباران دا دروستبوو، لێ ئەو سێ توهمەتبارە ب ترۆمبێلەکا جۆرێ
ئەڤەلۆن رەڤیان و وێ تەقەیێ چ زیانێن گیانی نەبوون بتنێ زیانێن ماددی لدیف خۆ
ئینان.
بەحسا وێ یەکی ژی کر، پشتی
بزاڤان پۆلیسێن شیان وان سێ توهمەتباران دەستەسەر بکەن و بەری نها ژی ژبەر چەند
دۆسەیێن دزیکرنێ ل بنگەهێ پۆلیسێن کەلار هاتبوونە دەستەسەرکرن.
بڕیار جاف – کەلار