رەنگە هەندێک جار ئەوانەی لەگەڵیان ناگونجێیت و ناکۆکی بەردەوامت هەیە لەگەڵیان، هاوڕێ و کەسە نزیکەکانت بن، بەڵام هەندێک جار دەتوانیت لە بورجەکەتەوە بزانیت.
ماڵپەڕی "ئیندیانا تایمز" لە بابەتێکدا باس لەو بورجانە دەکات کە ناتوانن لەگەڵ یەکتردا بگونجێن، ئەوانیش بریتین لە:
١. بورجی کاوڕ لەگەڵ بورجەکانی قرژاڵ و گیسک، قرژاڵەکان کەسانی هەستیارن و سروشتی بورجی کاوڕیش بێزارکەر دەبێت بۆیان، هەر لەبەر ئەمەش کاوڕ لەگەڵ گیسکیشدا ناگونجێت چونکە سروشتی کاوڕ قسە لەڕوون و نایانەوێت راستییەکان بشارنەوە.

٢. بورجی گا لەگەڵ بورجەکانی شێر و سەتڵ، لەبەر هۆکاری کەللـەرەقی و خۆ سەپاندن، بورجی گا ناتوانێت لەگەڵ شێر و سەتڵدا هەڵبکات و رێک بکەون.

٣. بورجی دووانە لەگەڵ بورجەکانی دووپشک و کەوان، لەبەرئەوەی دووانەکان رقیان لە قسەکردن و گفتوگۆی زۆر و بێ سوودە، ناتوانن لەگەڵ دووپشک و کەوانەکاندا بگونجێن چونکە ئەوان درێژە بە هەموو بابەتێک دەدەن و لێی دەکۆڵنەوە.

٤. بورجی فەریک لەگەڵ بورجەکانی تەرازوو و نەهەنگ، لەدایکبووی بورجی فەریک لەگەڵ تەرازوو بەتەواوەتی دژ بە یەکن، واتە هەرگیز نابێت لە شوێنێکدا بەیەکەوە بن و کێشە دروست نەکەن، بە هەمان شێوەش لەگەڵ نەهەنگدا چونکە هەمیشە فەریکەکان بێ هیوا دەکەن.

M.B