PM:01:54:25/03/2026
636 جار خوێندراوەتەوە
جارێکی تر هێرشکرایە سەر بنکەیەکی حەشدی شەعبی لە ئەنبار و چەندین چەکدار بوونە قوربانی و شەوی رابردووش ئەنجوومەنی وەزیرانی عێراق لە کۆبوونەوەیەکی بەپەلەدا ئیدانەی ئەو هێرشانەی کرد کە کرانە سەر هێزەکانی پێشمەرگە و حەشدی شەعبی.
بەیانیی ئەمڕۆ بنکەی حەببانیەی تایبەت بە حەشدی شەعبی لە ئەنبار کرایە ئامانج و وەزارەتی بەرگریی عێراقیش رایگەیاند، لە هێرشەکەی ئەنبار ٧ چەکدار کوژراون و ١٣ چەکداریش بریندارن. بەرگریی عێراق وتیشی، ئەم هێرشە پێشێلکارییەکی روون و مەترسیدارە بۆ سەرجەم یاسا و نەریتە نێودەوڵەتییەکان سەرجەم رێکارە پێویستەکان بەمەبەستی وەڵامدانەوەی ئەم دەستدرێژییە بەپێی چوارچێوە یاساییەکان گیراوەتەبەر.
ئەنجومەنی
وەزیرانی عێراقیش شەوی
رابردوو لەسەر داوای سودانی کۆبوونەوەی بەپەلەی کرد و لە کۆبوونەوەکەدا جەختی
لەپاراستنی ئاسایش و سەروەریی عێراق و
پاراستنی دامەزراوەکان و سامانە گشتی و تایبەتەکان و پاراستنی باڵیۆزخانە و
نوێنەرایەتییە دیپلۆماسییەکان کردەوە. هاوکات، ئیدانەی ئەو هێرشانەیان کرد کە
کرانە سەر هێزەکانی پێشمەرگە و حەشدی شەعبی.
