PM:12:15:05/03/2026
540 جار خوێندراوەتەوە
کۆمپانیای دانەغاز دەڵێت، هەركات بە گونجاو زانرا ئامادەن بۆ ئەوەی دەستبكەنەوە بە بەرهەمهێنانی غاز.
ئەمڕۆ پێنجشەممە ٥ـی ئازاری ٢٠٢٦، کۆمپانیای دانەغازی ئیماراتیی بەیاننامەیەکی بڵاوکردەوە و دەڵێت، بەشێوەكی کاتیی بەرهەمهێنانی غازیان لە کێڵگەی کۆرمۆر لە رۆژی ٢٨ـی شوباتەوە راگرتووە، ئەو هەنگاوەش بە هەماهەنگی بووە لەگەڵ وەزارەتی سامانە سروشتییەکان و وەزارەتی کارەبا، وەک رێکارێکی خۆپارێزی بەهۆی ئەو دۆخەی لەناوچەكە سەریهەڵداوە.
دانەغاز وتیشی، کێڵگەکە ئامادەیە و هەر كات بە گونجاو زانرا بەخێرایی
دەست بە بەرهەمهێنان دەکەنەوە.
کێڵگەی کۆرمۆر سەرچاوەی سەرەکی بەرهەمهێنانی کارەبای هەرێمە و بەوتەی
وەزارەتی کارەبا لەسەدا ٨٠ـی کارەبای کوردستان لەڕێگەی غآزی کۆرمۆرەوە دابین
دەکرێت، کە رۆژانە نزیکەی ٧٥٠ ملیۆن پێ سێجا غاز بەرهەمدەهێنێت.
