PM:04:40:24/02/2026
456 جار خوێندراوەتەوە
زیاتر لە پێنج مانگە کەمئەندامانی سەنگەر تا ئێستا مووچەیان وەرنەگرتووە و سکرتێری کۆمەڵەی کەمئەندامانیش دەڵێت، لە سایەی دەسەڵاتی بێ چاو و بێ گوێ، کەمئەندامانی سەنگەر خەریکە لە برسا دەمرن، داواش لە خێرخوازان دەکات بێن بەهانایانەوە.
ئەمڕۆ سێشەممە ٢٤ـی شوباتی ٢٠٢٦، فوئاد عبابکر، سکرتێری کۆمەڵەی کەمئەندامانی سەنگەر لە نوسراوێکدا داوا لە سەرمایەداران و خێرخوازان دەکات بێن بە هانای کەمئەندامانی سەنگەرەوە کە زیاتر لە پێنج مانگە مووچەیان وەرنەگرتووە.
دەشڵێت، لە سایەی دەسەڵاتی بێ چاو و بێ گوێ، ٨٠٠ کەمئەندامی سەنگەر کە لە پێناو ئازادی ئەمڕۆ خوێن و جەستەیان بەخشیوە و زیاتر
لە پێنج مانگە مووچەیان وەرنەگرتووە.
هاوکات داوا لە خێرخوازان دەکات پشتیوانی لەو کەم ئەندامانەی سەنگەر بکەن
بۆ ئەوەی بۆ جەژنی ڕەمەزان بتوانن کیلۆیەک گۆشت بۆ خێزانەکانیان و شیر بۆ منداڵەکانیان بکڕن.
