PM:06:26:09/02/2026
692 جار خوێندراوەتەوە
نوری مالیکی لەگەڵ جێگری یاریدەدەری وەزیری دەرەوەی پێشووی ئەمریکا کۆبووەوەو دەڵێت، عێراق و ئەمریکا پەیوەندییەکی توندوتۆڵیان هەیە و ئامادەن پارێزگاری لە پەیوەندیی و بەرژەوەندییەکانیان لەگەڵ ئەمریکا بکەن.
ئەمڕۆ دووشەممە ٩ـی شوباتی ٢٠٢٦، نوسینگەی راگەیاندنی نوری مالیکی، سەرۆکی هاوپەیمانی دەوڵەتی یاسا و کاندیدی چوارچێوەی هەماهەنگی بۆ پۆستی سەرۆک وەزیران لەڕاگەیەنراوێکدا دەڵێت، نوری مالیکی پێشوازیکرد لە ڤکتۆریا تایلۆر، جێگری یاریدەدەری وەزیری دەرەوەی پێشووی ئەمریکا و دوایین پێشهاتەکانی ناوچەکە و کاریگەرییان لەسەر عێراق تاوتوێکرد.
بەپێی راگەیەنراوەکە، نوری مالیکی لە کۆبوونەوەکەدا وتویەتی، "عێراق و
ئەمریکا پەیوەندییەکی توندوتۆڵیان هەیە و هەردوو وڵات رێککەوتنێکیان لەبارەی چوارچێوەی
ستراتیژی بەمەبەستی پێشخستنی هەماهەنگییەکان و پاڵپشتیکردنی پرۆسەی پێشخستنی
تواناکانی عێراق لەسەرجە، بوارەکان واژۆکردووە، پێویستە لەداهاتوویەکی نزیکدا ئەو
رێکەوتنە کارابکرێت ".
بە گوێرەی راگەیەندراوەکە، نوری مالیکی جەختیشی کردووەتەوە کە عێراق ئامادەیە
پارێزگاری لە پەیوەندی و بەرژەوەندییەکانی لەگەڵ ئەمریکا بکات.
ئەوەشیخستەڕوو، عێراق سیاسەتێکی هاوسەنگ بۆ پەیوەندییەکانی لەگەڵ وڵاتانی
ناوچەکە پەیڕەو دەکات.
