PM:08:55:05/02/2026
476 جار خوێندراوەتەوە
سەرۆک وەزیرانی عێراق لەگەڵ وەزیری دەرەوەی فەرەنسا کۆبوونەوە و لە لەکۆبوونەوەکەدا تیشکیان خستە سەر گرنگی بەهێزکردنی پەیوەندییە ئابورییەکانی نێوان هەردوو وڵات، بەتایبەت لە رێگەی بەشداریپێکردنی کۆمپانیا فەرەنسییەکان لە پڕۆسەی ئاوەدانکردنەوە و گەشەپێدانی عیراقدا.
ئەمڕۆ پێنجشەممە ٥ـی شوباتی ٢٠٢٦، نوسینگەی سەرۆک وەزیران بڵاویکردەوە، محەمەد شیاع سودانی، سەرۆک وەزیرانی عیراق، لەگەڵ ژان نوێل بارۆی، وەزیری دەرەوەی فـەرەنـسـا کۆبووەوە و پەرەپێدانی پەیوەندییە ئابووری و ئەمنییەکانی نێوان عێراق و فەرەنسایان تاوتوێ کرد.
لە کۆبوونەوەکەدا
سودانی داوای لە وڵاتانی جیهان کرد بەرپرسیارێتیی خۆیان هەڵبگرن لە وەرگرتنەوەی
زیندانییانی داعش، هەروەها جەختی لە پشتیوانی عێراق بۆ
گفتوگۆی نێوان ئێران و ئەمریکا کردەوە بۆ سەقامگیری ناوچەکە.
لای خۆیەوە، وەزیری
دەرەوەی فەرەنسا ستایشی رۆڵی عیراقی کرد لە پاراستنی ئاسایشی ناوچەکە و ئامادەیی وڵاتەکەشی
دەربڕی بۆ بەردەوامیی هاوکارییە بەرگری و ئەمنییەکان لەگەڵ بەغدا.
