PM:12:03:05/02/2026
700 جار خوێندراوەتەوە
بەڕێوەبەرایەتی گشتی كارەبای سلێمانی دەڵێت، بەپێی ئامارەكانی بەشی كاروباری ووزە، لە سنوورەکەیان ، ساڵی رابردوو زیاتر لە (١٥ هەزار) هاوبەشی نوێ تۆماركراون و كارەبایان وەرگرتووە.
ئەمڕۆ پێنجشەممە ٥ـی شوباتی ٢٠٢٦، بەڕێوەبەرایەتی گشتی کارەبای سلێمانی لە ئامارێکدا وتی، كۆتایی ساڵی ٢٠٢٤ كۆی هاوبەشانی كارەبای سنووری بەڕێوەبەرایەتی گشتی كارهبای سلێمانی (٥٤٠ هەزار و ٣٨٥) هاوبەش بووە و لە كۆتایی ساڵی ٢٠٢٥ زیادیكردووە بۆ (٥٥٥ هەزار و ٥٢٠) هاوبەشی كارەبا، بەوەش ساڵی رابردوو (١٥ هەزار و ١٣٥) هاوبەشی نوێ تۆماركراون و كارەبایان وەرگرتووە.
هەر بەپێی ئامارەكه، لەو رێژهیه (١٠ هەزار و ٦٨٤)ـیان هاوبەشی ماڵان
بوون كە كارەبایان وەرگرتووە و تۆماركراون.
