PM:07:58:10/01/2026
1676 جار خوێندراوەتەوە
شارەزایەکی بواری کەشناسی، لەبارەی چەندین شەپۆلی بەهێزی باران و بەفر بارین لە ناوچەکانی هەرێم خستەڕوو و دەڵێت، شەوی دووشەممە لەسەر سێشەممە شەپۆلێکی دیکەی باران و بەفر ناوچەکانی هەرێم دەگرێتەوە، کە بەراورد بە شەپۆلی رابردوو بەهێزتر و سەرما زیاتر دەبێت.
ئەمڕۆ شەممە ١٠ـی کانونی دووەمـی ٢٠٢٦، شاڵاو هیدایەت، شارەزای بواری کەشناسی رایگەیاند، "لە دوێنێوە شەپۆلێکی باران و بەفر بارین تەواوی ناوچە جیاوازەکانی هەرێمی گرتووەتەوە و بارانێکی باش باریووە و هەموو ناوچەکان دیاردەی وشکەساڵیان تێپەڕاندووە".
ئاماژەی بەوەشکرد، لەماوەی چەند کاتژمێری داهاتوو و پێش نیوەشەوی
کاریگەری ئەم شەپۆلە نامێنێت و کەش سەقامگیری دەبێتەوە.
ئەوەشی خستەڕوو، رۆژانی یەکشەممە و دووشەممە کەش بە سەقامگیری دەمێنێتەوە،
بەڵام بەپێی پێشبینییەکان شەوی دووشەممە لەسەر سێشەممە شەپۆلێکی دیکەی باران و
بەفر ناوچەکانی هەرێم دەگرێتەوە، کە بەراورد بە شەپۆلی رابردوو بەهێزتر و سەرما
زیاتر دەبێت و بەفربارین تەواوی ناوچەشاخاوییەکان دەگرێتەوە، ئەگەریش هەیە رۆژی
چوارشەممە بەفربارین سەنتەری شارەکانی سلێمانی، هەڵەبجە، راپەڕین، کۆیە، سۆران و
گەرمیان بگرێتەوە.
روونیشیکردەوە، بەپێی پێشبینییەکان لەدوای ئەم شەپۆلە و دوای رۆژی پێنجشەممە
ئەگەری هەیە بۆماوەی هەفتەیە کەشوهەوای ناوچەکە سەقامگیر بێت، بەڵام لە ٢٥ـی
کانونی یەکەم بۆ پێنجی شوبات سەرمایەکی زۆر بەهێزتر ناوچەکانی هەرێم بگرێتەوە و
ئەگەری بەفربارینش لە ناوچەکانی هەرێم هەیە، هەروەها مانگی دوو و سێ لەڕووی
باران بارینەوە زۆر باش دەبێت و لەناوچەشاخاوییەکانیش بەفر بارین بەردەوام دەبێت.
