PM:05:16:05/05/2025
1824 جار خوێندراوەتەوە
سەرۆکی حکومەتی کاربەڕێکەر رایگهیاند، عێراق لە رووی ماددی و مرۆییەوە، وڵاتێکی دەوڵەمەندە و خاوەن پێگەیەکی جیۆپۆلیتیکی گرنگیشە و تەنیا پێویستیی بە حوکمڕانی و بەڕێوەبردنێکی باش و دادپەروەرانە هەیە.
ئەمڕۆ دووشەممە ٥ـی ئایاری ٢٠٢٥، مەسرور بارزانـی، سەرۆکی حکومەتی کاربەڕێکەر له كۆبونهوهیهكدا لهگهڵ شاندێکی پەرلەمانی عێراق کە لە ئەندامانی لیژنەی ئابوری و پیشەسازی و بازرگانی پێکهاتبوو وتی، عێراق لە رووی ماددی و مرۆییەوە، وڵاتێکی دەوڵەمەندە و پێویستیی بە حوکمڕانی و بەڕێوەبردنێکی باش و دادپەروەرانە هەیە.
ئاماژەی بەوەشکرد، گرنگه هاوئاهەنگی و هاوکاری
نێوان هەرێم و پەرلەمانی عێراق و حکومەتی عێراق پەرەی پێبدرێت، بە تایبەتی لە
بوارەکانی پشتگیریکردنی ئەو پڕۆژە یاسایانەی لە بەرژەوەندی گشت هاوڵاتییان و
پێکهاتەکانی عێراقدان.
وتیشی، عێراق لە رووی ماددی و مرۆییەوە، وڵاتێکی
دەوڵەمەندە و خاوەن پێگەیەکی جیۆپۆلیتیکی گرنگیشە و تەنیا پێویستیی بە حوکمڕانی و
بەڕێوەبردنێکی باش و دادپەروەرانە هەیە، کە رێز لە مافەکانی هەمو ناوچە و گشت
پێکهاتەکانی عێراق بگرێت.
ئەوەشی
خستەڕوو، پێویستە رێز لە سیستەمی فیدراڵی و دەستووری عێراق بگیرێت کە ماف و
ئەرکەکانی هەر لایەکی دەستنیشان کردووە.
