هێشتا هیچ نەبووە و خەڵک دەنگی پێنەداون کاندیدان و کادیرانی یەکێتی وپارتی لە ئێستاوە هەڕەشەی وازهێنان و کشانەوە دەکەن، وەک دەوترێت لە بری ئەوەی لە خەمی خەڵکدا بن خەریکی باڵباڵین و کێشمەکێشمی ناوخۆیی خۆیانن بۆ پاراستنی بەرژوەندی و کۆمپانیاکانیان.
هێشتا نەچووەتە سەر کورسییەکەی و دیارنیە چەند دەنگ دەهێنێت کەچی یەکێک لە کاندیدانی یەکێتی لە کەرکوک هەڕەشەی کشانەوە و وازهێنان دەکات لە کاندیدی.
وەک بەشێک لە هاوڵاتییان دەڵێن، تۆبڵێی
چۆن خەڵکی کەرکوک یان تەنانەت کادیرێکی یەکێتی دڵی بەو جۆرە سیاسەتکردنە خۆش بێت و
دەنگیان پێبدات کە دەیان ساڵە کەم رۆژ هەیە یەکێکیان وازنەهێنێت و باڵێک لە حزبەکە
نەکشێتەوە.
هاوکات، کاوێز مەلا پەروێز کادیری پارتی
باس لەوە دەکات، کاندیدانی ئەو حزبە لە کەرکوک لاواز و تەنانەت لەسەر ئاستی لقەکان
ناسراو نین.
وەک هاوڵاتیان دەڵێن، پارتی و یەکێتی
دوو نمونەی حزبایەتی بەرژەوەندخواز، کۆمەلێک بەرپرسی بەرژەوەندخواز دەستیان بەسەردا
گرتووە و ئامانجیان پارە و کۆمپانیا و کەسابەتە، نەک گۆرینی گوزەرانی هاوڵاتییان لە
هەرێم و کەرکوکیش سەرقاڵی کەسابەتی خۆیانن.
هەرەشەی کاندیدی یەکێتی شتێکی نوێ نییە،
بەڵکو ئەو حیزبە هەر رۆژە و باڵێکی لێ جیادەبێتەوە و هەر رۆژە و یەکێک وازی لێ دەهێنێت
و ناکۆکی نوێ و جۆراوجۆر لە نێوانیاندا دروست دەبێت، بەڵام سەیر لەوەدایە هیچ کام
لەو ناکۆکیانە لەپێناو خەڵک و بەتایبەت خەلکی کەرکوک و هاوڵاتیاندا نییە، بەڵکو هەموی
شەرە لەسەر بەرژەوەندی و پارە و کۆمپانیاکانیان.