PM:08:07:22/09/2023
2268 جار خوێندراوەتەوە
میدیاکانی ئێران بڵاویانکردووەتەوە، بەهۆی خۆڵبارین لە پارێزگای سیستان-بەلوچستانی لە باشوری رۆژهەڵاتی ئێران سێ کەس گیانیان لەدەستداوە و زیاتر لە هەزار کەسی دیکەش بۆ وەرگرتنی چارەسەر رەوانەی نەخۆشخانە کراون.
ئەمڕۆ هەینی، میدیاکانی ئێران بڵاویانکردەوە، بەهۆی ئەو خۆڵبارینەی کە پارێزگای سیستان- بەلوچستانی گرتووەتەوە سێ کەس گیانیان لەدەستداوە و زیاتر لە هەزار و ٣٠٠ کەسی دیکەش پێویستیان بە چاودێری پزیشکی هەبووە.
لەوبارەیەوە
بەرپرسی بەڕێوەبردنی قەیرانەکانی پارێزگاکە بڵاویکردەوە، لەم هەفتەیەدا سێ کەس
"بەهۆی ڕووداوەکانی کەمبوونەوەی بینین گیانیان لەدەستداوە".
ئاماژەی
بەوەشکرد، زیاتر لە هەزار و ٣٠٠ کەس بەهۆی خۆڵبارینەکەوە توشی نەخۆشییەکانی کۆئەندامی
هەناسە و دڵ و چاو بوون و بۆ وەرگرتنی چارەسەر رەوانەی نەخۆشخانە کراون.
