PM:12:12:27/04/2024
884 جار خوێندراوەتەوە
+
-
پەیڤدارێ
وەزارەتا دەرڤە یا ئەمریکا ڕاگەهاند، پێدڤیە حکومەتا رێڤەبرنا کاران و عێراق ب
هەڤبەندی لدویف ئەنجامدەرێن هێرشا سەر زەڤیا غازا کۆرمۆر دا بچن. دبێژیت ژی،
"ژپێخەمەت سەروەریا ئاخ و سەقامگیریا ئاسایشا دەڤەرێ دگەل هەرێما کوردستانێ و
عێراقێ زێدەتر کارێن خۆ بەرەف پێش دبەین".
ئەڤرۆ
شەمبیێ، ماتیۆ میلەر پەیڤدارێ وەزارەتا دەرڤە یا ئەمریکا ڕاگەهاندنەک بەلاڤکر و تێدا
هاتیە، هەر هێرشەکێ شەرمزار دکەن کو ببیتە سەدەمێ دروستبوونا مەترسیێ بۆ سەر
ژێرخانا ئابوری و ئەنەرژیا هەرێما کوردستانێ.
ئاماژە ب وێ
یەکێ ژی کر، پێدڤیە حکومەتا رێڤەبرنا کاران و عێراقێ پێکڤە کار بکەن بۆ ئەشکراکرنا
ئەنجامدەرێن وێ هێرشا بۆ سەر زەڤیا کۆرمۆر ل هەرێما کوردستانێ هاتیە کرن.
بەحسا وێ
یەکێ ژی کر، ب مەرەما سەقامگیریا ئاسایش و سەروەریا عێراقێ و هەرێما کوردستانێ
پێکڤە کار دکەن و بۆ وێ مەرەمێ ژی هەمی بزاڤان دکەن.
ئەڤە ژی د
دەمەکی دایە، دوهی ئەینیێ بۆ جارا هەشتێ زەڤیا غازا کۆرمۆر هاتە ب ئارمانج گرتن و
دوو دەنگێن بهێز د ناڤا وێ زەڤیێ دا هاتنە بهیستن کو ب وێ سەدەمێ زەنگا هایدارکرنێ
هاتە لێدان، ژبەر هێرشان ژی، چار کەسان ژیانا خۆ ژ دەستدان.