PM:02:35:09/05/2024
1516 جار خوێندراوەتەوە
+
-
ژێدەرەکی ژ
بەنکا TBI بۆ دیجیتال
میدیایا ئێن ئاڕ تی ڕاگەهاند، ژ رۆژا 8ـێ ئەیارێ ڤە دەست ب بەنکی کرنا مووچەیێ مووچەخۆرێن
هەرێمێ هاتیەکرن و بۆ وێ مەرەمێ ژی داخاز ژ حکومەتا رێڤەبرنا کاران هاتیەکرن، لیستا
مووچەی رادەستی وێ بەنکێ بکەن، دبێژیت ژی، "لدیف بودجە و بڕیارێن دادگەها
فیدرالی دەست ب بەنکی کرنا مووچەیێ مووچەخۆرێن هەرێمێ هاتیەکرن".
ئەڤرۆ
پێنجشەمبی، ژێدەرەکی ژ بەنکا TBIدەربارەی ب بەنکی کرنا
مووچەیێ مووچەخۆرێن هەرێمێ بۆ دیجیتال میدیایا ئێن ئاڕ تی ڕاگەهاند، ژ رۆژا
چارشەمبیێ ڤە دەست ب بەرهەڤیان بۆ ب بەنکی کرنا مووچەیێ مووچەخۆرێن هەرێمێ هاتیەکرن
و بۆ وێ مەرەمێ ژی داخاز ژ حکومەتا رێڤەبرنا کاران هاتیەکرن کو لیستا مووچەیێ مووچەخۆرێن
هەرێمێ رادەستی وێ بەنکا بکەت.
ئەو یەکژی
بەرچاڤکر، ئەو بەنکە ب ژڤانا د هەیاما دوو مەهان دا مووچەیێ 700 هزار مووچەخۆرێن
هەرێمێ ب بەنکی بکەت.
هەڤدەم، د وێ
دەربارەیێ دا نووچەگەهانێ ئێن ئاڕ تی بەحسا وێ یەکێ کر، تا نها حکومەتا رێڤەبرنا
کاران چ ئاسانکاری بۆ بەنکا TBIنەکرینە ئەڤەژی بوویە سەدەمێ هندێ کو مووچەیێ مەها نیسانێ یێ مووچەخۆرێن هەرێمێ
گیروبیت، گوت ژی، "وەزیرا داراییا عێراقێ دەربارەی هنارتنا مووچەی ئەو یەک
ئەشکرا کریە کو بەرهەڤ نینە ئیمزایێ لسەر هنارتنا مووچەی بکەت هەیا ب بەنک کرنا
مووچەی دەستپێنەکەت".
دوهی، رێڤەبەرێ بەنکا بازرگانیا عێراقێ TBIبۆ ئێن ئاڕ تی ڕاگەهاند، ب بڕیارا دادگەها فیدرالی دەست ب بەنکیکرنا مووچەیێ
مووچەخۆرێن هەرێمێ دکەن و چ پەیوەندی ب پرۆژەیێ هەژمارا من ڤە نینە.
هەڤدەم، لدویف زانیاریان، بەنکێن رەشید و رافیدەین
لقێن خۆ ل باژێرێن هەرێمێ دێ ڤەکەن و پشکدار دبن ژ پرۆسەیا ب بەنکیکرنا مووچەیێ
مووچەخۆرێن هەرێمێ.