PM:12:01:09/05/2024
768 جار خوێندراوەتەوە
+
-
بهایێ
دۆلاری د بازارێن دراڤێن هەرێمێ دا بلندبوو و د نها دا بهایێ ١٠٠ ب ١٤٥ هزار و ٩٥٠
دیناران بازار پێ دهێتەکرن.
ئەڤڕۆ
پێنجشەمبیێ، ل دەمێ ڤەکرنا بازارێن هەرێمێ بهایێ دۆلاری بلندبوو و هەڤبەر ب دوهی ل
دەمێ ڤەکرنا بازاران، بهایێ ١٠٠ دۆلاران نێزیکی ٤٥٠ دیناران بلندبوویە.
د
ڤێ حەفتیێ دا، بهایێ دۆلاری بەردەوام دناڤبەرا ١٤٥ هزار بۆ ١٤٦ هزار دیناران ب بازار
پێ هاتیەکرن.
لدیڤ
نووچەیێن میدیایێن عێراقێ، بەنکا ناڤەندی هاتیە ئەرکدارکرن بۆ کۆنترۆلکرنا بهایێ دۆلاری
و راگرتنا قاچاغیێ ب دراڤێن بیانی، بۆ ڤێ مەرەمێ ژی عێراق بزاڤان دکەت هەمی مامەلەیێن
ولاتی بکەتە ئەلیکترۆنی. دبیژیت ژی، "تیمەکا کارێ هەڤبەش دناڤبەرا دەسهەلاتا
گشتی یا باج و ئاسایشا نیشتیمانی و وەزارەتا ناڤخۆ دێ هێتە پێکئینان بۆ بەرهنگاربوونا
تاوانان لبن سەرپەرشتیا بەنکا ناڤەندی".
ژلایێ
خوڤە ژی، پەیڤدارێ بازارێ دراڤان ل سلێمانیێ بۆ ئێن ئاڕ تی راگەهاند، بهایێ دۆلاری
ب ئاوایەکێ بەرچاڤ نزم بوویە ئەگەر فرۆتنا دۆلاری ب ئاوایێ کاش و حەوالە بڤی ئاوایێ
نها بمینیت دهێتە پێشبینیکرن بهایێ ١٠٠ دۆلاران دناڤبەرا ١٤٥ بۆ ١٤٦ هزار دیناران بمینیت.
ئەڤە
د دەمەکی دایە، بەنکا ناڤەندیا عێراقێ راگەهاند، د هەیاما دوو حەفتیان دا ب هەردوو
ئاوایێن کاش و حەوالە نێزیکی سێ ملیار دۆلار فرۆتینە.