AM:10:55:09/05/2024
72 جار خوێندراوەتەوە
+
-
سەرۆک وەزیرێن عێراقێ د نڤیسارەکێ دا داخاز ژ
وەزارەتا چاندنا عێراقێ کر لەزێ بکەن بۆ وەگرتنا گەنمێ جوتیارێن هەرێما کوردستانێ.
دەربارەی وێ نڤیسارێ نڤیسینگەها ڕاگەهاندنا
سەرۆک وەزیرێن عێراقێ ڕاگەهاند، ئەو نڤیسارە ب مەرەما بلەزتر کرنا کارانە و
ئێکئالیکرنا بابەتێ وەرگرتنا گەنمێ جوتیارێن هەرێما کوردستانێ یە ب رێکا سایلۆیێن
عێراقێ.
ئەڤە د دەمەکی دایە، سالا دەربازبووی حکومەتا
عێراقێ 500 هزار تەنێن گەنمێ ژ جوتیارێن هەرێما کوردستانێ کرین، لێ بۆ ئەڤسالە تا
نها ئەو بڕا بریارە بهێتە کرین دیار نینە.
هەڤدەم، وەزارەتا چاندنا عێراقێ ل ناڤەراست و
باشوورێ ولاتی دەست ب وەرگرتنا گەنمێ ئەڤسالە یێ جوتیاران کریە و بۆ هەر تەنەکی
٨٥٠ هزار دیناران ددەتە جوتیاران.
پێشبینی
دهێتەکرن بەرهەمێ ئەڤسالە یێ گەنمێ جوتیارێن عێراقێ حەفت ملیۆن تەنان دەرباز بکەت ب
وێ یەکێ ژی دبیتە زۆرترین بەرهەمێ گەنمی ل عێراقێ د دیرۆکێ دا.