PM:12:04:09/05/2024
68 جار خوێندراوەتەوە
+
-
وەزیرێ بەرەڤانیا ئەمریکا ڕاگەهاند، ب بڕیارا جۆو بایدن سەرۆکێ ئەمریکا
هنارتنا چەکی بۆ ئیسرائیل راگرتیە، بایدن ژی ڕاگەهاند، "ئەو چەکێن بۆ
ئیسرائیل هنارتین خەلکێ سڤیل پێ هاتیە کوشتن".
لۆید ئۆستن، وەزیرێ بەڕەڤانیا ئەمریکا ئاماژە ب وێ یەکێ ژی کر، وان پێشتر ب
ئیسرائیل ڕاگەهاندیە، ل دەمێ هێرشکرنا سەر رەفەح نابیت کەسێن سڤیل بهێنە ب ئارمانج
گرتن، لێ پشتی هەلسانگاندنا وێ رەوشێ، بڕیاردایە ب راگرتنا هنارتنا چەکی بۆ
ئیسرائیل.
بەحسا وێ یەکێ ژی کر، ئەو بڕیار ب تنێ بۆ کاروانەکی یە و چ بڕیار بۆ چەکێن
دی نەهاتینەدان، هەڤدەم ئەو کاروانێ هاتیە راگرتن هزار و ٨٠٠ بۆمبێن دوو هزار
پاوەندی و هزار و ٧٠٠ بۆمبێن ٥٠٠ پاوەندی تێدانە.
پێشتر جۆو بایدن سەرۆکێ ئەمریکا د چاڤ پێکەفتنەکا تەلەفزیۆنی دا ڕاگەهاند،
ئەگەر ئیسرائیل بەردەوام بیت ژ هێرشکرنە سەر رەفەح، وی دەمی هنارتنا چەکی رادگرن،
ئەو چەکێن د دەمێ دەربازبووی دا هنارتین خەلکێ سڤیل پێ هاتیە کوشتن.