PM:03:12:08/05/2024
480 جار خوێندراوەتەوە
+
-
پشتی ڤەکرنا بازارێن دراڤێن هەرێمێ بهایێ
دۆلاری هاتە خار و هەڤبەر ب دەمێ داخستنا بازاران ٢٥٠ دینار ژ بهایێ وی هاتنە خار،
د نها دا بهایێ ١٠٠ دۆلاران ب ١٤٥ هزار و ٥٠٠ دیناران بازار پێ دهێتەکرن.
ئەڤڕۆ چارشەمبیێ، د بازارێن هەرێمێ دا بهایێ
١٠٠ دۆلاران دناڤبەرا ١٤٥ هزار و ٥٠٠ بۆ ٦٥٠ دیناران بازار پێ دهێتە کرن.
لدیڤ نووچەیێن میدیایێن عێراقێ، بەنکا
ناڤەندی هاتیە ئەرکدارکرن بۆ کۆنترۆلکرنا بهایێ دۆلاری و راگرتنا قاچاغیێ ب دراڤێن
بیانی، بۆ ڤێ مەرەمێ ژی عێراق بزاڤان دکەت هەمی مامەلەیێن ولاتی بکەتە ئەلیکترۆنی.
دبیژیت ژی، "تیمەکا کارێ هەڤبەش دناڤبەرا دەسهەلاتا گشتی یا باج و ئاسایشا
نیشتیمانی و وەزارەتا ناڤخۆ دێ هێتە پێکئینان بۆ بەرهنگاربوونا تاوانان لبن
سەرپەرشتیا بەنکا ناڤەندی".
ژلایێ خوڤە ژی، پەیڤدارێ بازارێ دراڤان ل
سلێمانیێ بۆ ئێن ئاڕ تی راگەهاند، بهایێ دۆلاری ب ئاوایەکێ بەرچاڤ نزم بوویە ئەگەر
فرۆتنا دۆلاری ب ئاوایێ کاش و حەوالە بڤی ئاوایێ نها بمینیت دهێتە پێشبینیکرن
بهایێ ١٠٠ دۆلاران ب ١٤٥ هزار دیناران بمینیت.
ئەڤە د دەمەکی دایە، بەنکا ناڤەندیا عێراقێ
راگەهاند، د هەیاما دوو حەفتیان دا ب هەردوو ئاوایێن کاش و حەوالە نێزیکی سێ ملیار
دۆلار فرۆتینە.