PM:10:12:25/04/2024
36 جار خوێندراوەتەوە
+
-
بەنکا ناڤەندیا عێراقێ راگەهاند، د دەما حەفتیا بووری دا ب تێکڕا
زێدەتری ئێک ملیار و ٣٠٠ ملیۆن دۆلار ب هەمی بازرگان و گەشتیارێن ناڤخۆ و دەرڤە
فرۆرتیە، ئەڤەژی ب دووەم حەفتی دهێتە دانان لسەر ئێک کو فرۆتنا بەنکێ ب رێژەیا ١٠٪
زێدەتر بیت ژ حەفتیێن بووری.
ئەڤڕۆ
پێنجشەمبی، بەنکا ناڤەندییا عێراقێ ب رێکا سەکۆیا ئەلیکترۆنیا تایبەت ب ئێخستنە
بازارێ فرۆتنا دۆلاری راگەهاند، ل رۆژا ٢١ بۆ ٢٥ـی نیسانا ئەڤسالە ب تێکڕا ئێك
ملیار و ٣٨٤ ملیۆن و ٢٣٥ هزار و ٩٣ دۆلار ب بهایێ فەرمی ب ١٣٢٠ دیناران فرۆتییە.
ئاماژە ب وێیەکێ ژیکر، رێژەیا فرۆتنا کاش هەڤبەری حەفتیا بووری ب
رێژەیا ١٣٪ داکەفتیە و ب تێكڕا ٦٦ ملیۆن و ٧٦٠ هزار دۆلار ب بهایێ ١٣٢ هزار
دیناران بۆ هەر ١٠٠ دۆلاران ب گەشتیار و بازارێن ناڤخۆ فرۆتییە.
بەحسا ویێەکێ ژیکر، ئاستێ فرۆتنا حەوالە بۆ رێکگرتنێ ژ زڤڕاندنا
بازرگانان بۆ بازارێن ناڤخۆ ب ئاستێ فرۆتنا حەوالەیا دەرەکی ب رێژەیا ٢٠٪ بلندبوون
ب خۆڤە دیتیە و ب تێكڕا ئێک ملیار و ٣١٧ ملیۆن و ٤٧٥ هزار و ٩٣ دۆلار فرۆتییە.
هەڤدەم، دەربارێ فرۆتنا حەفتیا بووری بەنکا ناڤەندییا عێراقێ
راگەهاند، پشتی رێککەفتنێن بەنکا ناڤەندی دگەل بەنکا جەی پی مۆرگان د دەما پێنج
رۆژێن حەفتیا بووری ب تێكڕا زێدەتری ئێک ملیار و ٣٥٤ ملیۆن دۆلار فرۆتییە، هەڤبەری
ڤێ حەفتیێ ئاستێ فرۆتنێ ٣٠ ملیۆن دۆلاران جوداهی هەیە.
ژلایەکێ دیڤە،
ئەندامەکێ پشکداربووی د جڤینا بەنکا ناڤەندییا عێراقێ و جەی پی مۆرگان دا بۆ ئێن
ئاڕ تی راگەهاند، دگەل وەزارەتا گەنجینەیا ئەمریکا لسەر هەلگرتنا سزایێن سەر
بەنکێن عێڕاقێ گەهشتینە رێککەفتنێ و دشێن ژ نها پێدا مامەلەیێن حەوالەیا دەرەکی بۆ
بازرگانێن ناڤخۆ و دەرڤە ئەنجام بدەن. گوت ژی، "ئەو پێنج بەنکێن ب ئاوایێ
راستەوخۆ دۆلاری بۆ مامەلەیێن دارایی و گرێدای ب دۆلاری حەوالە ئەنجام ددەن ب ڤێ
یەکێ ژی ئاستێ فرۆتنێ زێدەدبیت".