PM:08:24:25/04/2024
28 جار خوێندراوەتەوە
+
-
رێڤەبەرێ راگەهاندنا کۆمسیۆنا سەربەخۆیا هەلبژارتنێن عێراقێ راگەهاند،
بەرهەڤیێن کۆمسیۆنێ بۆ ئەنجام دانا هەلبژارتنا هەرێمێ ل ١٠ـی حوزەیرانا ئەڤسالە
بەردەوامن. دبێژیت ژی، "د چەند رۆژێن داهاتی دا جارەکا دی دێ تاقیکرنێ بۆ
ئامێرێن هەلبژارتنێ ئەنجام دەین".
ئەڤڕۆ پێنجشەمبی،
عیماد جەمیل ڕێڤەبەرێ راگەهاندنا کۆمسیۆنا سەربەخۆیا هەلبژارتنێن عێڕاقێ بۆ ئێن
ئاڕ تی راگەهاند، پرۆسەیا تاقیکرنا ئامێرێن هەلبژارتنێ ب سەرکەفتی ئەنجام دایە و چ
ئاریشەیەک د ئامێران دا نینە، بۆ زێدەتر پشت ڕاستبوونێ د چەند رۆژێن داهاتی دا دێ
جارەکا دی تاقیکرنێ بۆ ئامێران ئەنجام دەین.
ئاماژە ب وێیەکێ ژیکر، ل هەرێما کوردستانێ ٧٣ ناڤەندێن دەنگدانێ و
هزار و ٢٥٠ بنگەهین دەنگدانێ کو شەش هزار وێستگەهـ تێدا هەنە هاتینە دەست نیشانکرن
بۆ ئەنجام دنا هەلبژارتنێ.
ئەو یەکژی بەرچاڤکر، زێدەتر ژ جارەکێ دەمێ تۆمارکرنا حزب و لایەن و
لیستا کاندیدان هاتیە درێژکرن، لێ لدیڤ یاسایێ دەمێ تۆمارکرنا لایەنان تەمام بوویە
کارەکێ زەحمەتە جارەکا دی پشک کێشان بۆ بهێتە کرن.
گوت ژی، رێکارێن پێدڤی بۆ ب ڕێڤەچوونا هەلبژارتنا هەرێما کوردستانێ ل
دەمێ دیاریکری دا ل ١٠ـی حوزەیرانا ئەڤسالە دێ گریتەبەر و راستەوخۆ دبن چاڤدێریا
هویر یا کۆمسیۆنا سەربەخۆیا هەلبژارتنێن عێراقێ دێ بڕێڤەچیت.
ئەڤە د دەمەکی دایە، بڕیارە ل ١٠ـی حوزەیرانا ئەڤسالە هەلبژارتنا گەڕا شەشێ یا پەرلەمانێ
کوردستانێ بڕێڤەبچیت و گڤاشتنێن ناڤخۆیی و ناڤدەولەتی بۆ ئەنجام دانا هەلبژارتنی
بەردەوامن.