PM:01:23:25/04/2024
1752 جار خوێندراوەتەوە
+
-
ل تاخەکێ سلێمانیێ شەڕە تەقێ دناڤبەرا پۆلیس و چەند کەسان دا رویدا و ژێدەرەکی
ژی ژ پۆلیسێن سلێمانیێ بۆ ئێن ئاڕ تی ڕاگەهاند، د وی شەڕی دا چار کەس برینداربوون.
ئەڤرۆ پێنجشەمبیێ، نووچەگەهانێ ئێن ئاڕ تی بەحسا وێ یەکێ کر، ئەو بوویەر ل
تاخەکێ نویێ سلێمانیێ بوویە و هێزێن ئەولەهیێ دەست ب ڤەکۆلینان کریە.
هەڤدەم ژێدەرەکی ژ پۆلیسێن سلێمانیێ بۆ دیجیتال میدیایا ئێن ئاڕ تی
ڕاگەهاند، هێزێن ئەولەهیێ ب مەرەما دەستەسەرکرنا چەند تۆهمەتباران چووینە وی تاخی و
ب فەرمانا دادوەری چووینە وی جهی.
ئاماژە ب وێ یەکێ ژی کر، ل دەمێ بزاڤان بۆ دەستەسەرکرنا تۆهمەتباران،
بەرهنگاربوون دناڤبەرا هێزێن ئەولەهیێ و وان تۆهمەتباران دروستبوویە ، ب وێ سەدەمێ
ژی چار کەس ژ هەردوو ئالیان برینداربووینە و برینا ئێکی یا دژوارە.
نووچەگەهانێ ئێن ئاڕ تی ئەویەک ژی بەرچاڤ کر، ئەو تۆهمەتبارێن فەرمانا
دەستەسەرکرنێ بۆ هاتیە دەررخستن، سەر ب هێزەکا ئەولەهیا یەکێتی نە.
گۆران لوقمان - سلێمانی