نەخواردنەوەی ئاوی پێویست سووڕی خوێن بۆ گورچیلەکان کەم دەکاتەوە و وا دەکات نەتوانن بە باشی پاشەڕۆکان بپاڵێون.

بەپێی هەواڵێکی ماڵپەڕی"NKF"، ئەم خاوەبوونەوەیە دەبێتە هۆی تۆخبوونی ڕەنگی میز و کۆبوونەوەی پاشەڕۆکان لە جەستەدا.

بەم هۆیەشەوە کانزاکانی وەک کالسیۆم و ترشی یۆریک بە یەکەوە دەنووسێن و سەنگ و کریستاڵی بەئازار لە گورچیلەدا دروست دەکەن، هەروەها کاتێک میزەڵدان بە بەردەوامی بە ئاو پاک نەبێتەوە، بەکتریای تێدا گەشە دەکات و دەبێتە هۆی هەوکردنی بۆریچکەکانی میز.

لە حاڵەتی توندیشدا، لەدەستدانی زۆری شلەکان زیانی کوتوپڕ بە گورچیلە دەگەیەنێت و لە درێژخایەنیشدا وەک وشکبوونەوەی بەردەوام، دەبێتە هۆی تووشبوون بە نەخۆشیی درێژخایەنی گورچیلە.