باخەوانێکی سویسری بەرهەمی بیبەرە توونەکانی
کۆکردەوە کە درێژییەکەی دەگاتە ١ پێ و ٨.٦ ئینچ،بەمەش بۆ سێیەم جار ڕیکۆردێکی
جیهانیی لە کتێبی گینسدا شکاند.
یۆرگ ویسلی یەکەم ڕیکۆردی جیهانیی
خۆی لە تشرینی یەکەمی ٢٠١٧دا تۆمارکرد، کاتێک درێژیی بیبەرەکەی گەیشتە ١ پێ و ٥.٧
ئینچ لە پێشبڕکێیەکی سەوزەدا لە جۆنای سانت گالن.
ساڵی دواتر، ویسلی ڕیکۆردەکەی خۆی
شکاندەوە بە بیبەرێک کە درێژییەکەی ١ پێ و ٧.٩ ئینچ بوو. لە ١١ی ئابدا، بۆ جارێکی
تر ڕیکۆردی بەدەستهێنایەوە کاتێک پێوانەی دوایین بیبەری کرا و گەیشتە ١ پێ و ٨.٦
ئینچ.
ئەو باخەوانە ئاماژەی بە ڕێگەی بەرهەمهێنانەکەی
کرد و گوتی "لە مانگی ئازاردا و لەناو ماڵەوە دەست بە ڕواندنی تۆوەکان دەکەم
لەژێر ڕووناکی تایبەت و پلەی گەرمیی ٢٨ پلەی سەدیدا. پاشان لە کۆتایی نیساندا و
دوای نەمانی مەترسی شەختە، دەیانگوێزمەوە بۆ باخچەکە. لە دوای ئەوەش پێویستی بە
ئاودانی بەردەوام و پەیندانی هاوسەنگ هەیە، بەڵام نەک بە زێدەڕۆیی، چونکە بە
پێچەوانەوە لەجێی بیبەر، گەڵای زۆر دەردەکات."