چا بە خواردنەوەیەکی تەندروست و بۆنخۆش دادەنرێت، زۆر کەسیش دوای نانخواردن خوویان بە خواردنەوەیەوە گرتووە، بەڵام رەنگە زیان بە تەندروستی بگەیەنێت ئەگەر ئەم هەڵە باوانە ئەنجام بدەیت.

لە ماڵپەڕی "alsumaria" بڵاوکراوەتەوە، بە گوتەی شارەزایان پێویستە گرنگی بە کاتی لێنان و پلەی گەرمی و بڕی چاکە بدەیت، دیارترین ئەو هەڵانەش بریتین لە:

١. بۆ ئامادەکردنی چا، باشترە ئەم یاسایە سادەیە جێبەجێ بکەیت کەوچکێک چا بۆ هەر کوپێک ئەمەش لەبەر ئەوەیە کە چا ڕێژەیەکی بەرزی کافاین و تانینی تێدایە کە دەتوانێت کاری ڕیخۆڵە تێکبدات و ببێتە هۆی قەبزی هەروەها کاریگەری نەرێنی لەسەر کۆئەندامی دەمار دروست دەکات.

٢. دووبارە گەرمکردنەوەی چا، چونکە زۆربەی سوودەکانی لەدەست دەدات و گەشەی وردە زیندەوەرە نەخۆشخوازەکان زیاد دەکات، ئەمەش دەبێتە هۆی کێشەی تەندروستی گەورە.

٣. خواردنەوەی چای زۆر گەرم زیان بە سورێنچک و گەدە دەگەیەنێت، وادەکات زیاتر تووشی هەوکردن ببن، ئەمەش دەتوانێت هاندەری گەشەی وەرەمی شێرپەنجەیی بێت.

٤. باشتر وایە دوای نیو کاتژمێر دوای نان خواردن چا بخورێتەوە، ئەمەش دەبێتە هۆی هاندانی هەرسکردن و یارمەتی خێراکردنی میتابۆلیزم دەدات، بەڵام خواردنەوەی بە گەدەی بەتاڵ زیان بە جەستە دەگەیەنێت.

٥. ڕاستەوخۆ دوای نان خواردن چا مەخۆرەوە، چونکە هەندێک لە مادەکانی ناو ئەم خواردنەوەیە دەبنە ڕێگر لە هەڵمژینی پرۆتین و ئاسن و توخمە گرنگەکانی دیکە.