پزیشکێک ئاماژە بەوە دەکات کە ڕەنگە پەڵەی پێست ئاماژە بێت بۆ نەخۆشییە مەترسیدارەکان.

ناتالیا گریژێڤا پزیشکی پێست لە بڵاوکراوەیەکیدا باسی لەوە کردووە کە گۆڕانکاری لە ڕەنگ و پێکهاتەی پێست، هەروەها دەرکەوتنی پەڵە، ڕەنگە یەکەم نیشانەکانی نەخۆشییە مەترسیدارەکان بن کە کاریگەرییان لەسەر جگەر، گورچیلە، کۆئەندامی هەرس یان سیستەمی بەرگری جەستە هەیە.

ڕوونیشیکردەوە، بۆ نموونە زەردبوونی پێست ئاماژەیە بۆ تێکچوونی کارکردنی جگەر یان بۆری زەرداو، لەکاتێکدا ڕەنگە پەڵەی خوێنبەربوون نیشانەی نەخۆشییەکانی خوێن یان خوێنبەرەکان بێت.

ئاماژەی بەوەشکرد، حاڵەتەکانی وەک نەخۆشی شەکرە لەسەر پێست دەردەکەون وەک وشکبوونەوە و خوران و پەڵە، لەکاتێکدا نەخۆشییەکانی غودەی دەرەقی دەبێتە هۆی گۆڕانکاری لە ڕەنگ یان ئاوسانی دەموچاو.

ئەوەشی راگەیاند لەکاتی چاودێریکردنی هەر گۆڕانکارییەکی نائاسایی پێستدا پێویستە پشکنینی پزیشکی گشتگیر ئەنجامبدرێت، چونکە ئەمە ڕۆڵێکی گرنگی هەیە لە دەستنیشانکردنی پێشوەختەدا.