نیسکافە یەکێکە لە خواردنەوە بەناوبانگەکانی جیهان بەتایبەت لای گەنجان، بەهۆی تام و ئاسانی ئامادەکردنی، هەرچەندە بە سەرچاوەیەکی خێرا بۆ کافاین و وزە دادەنرێت، بەڵام زیادەڕۆیی لە خواردنی دەبێتە هۆی چەندین مەترسی تەندروستی کە نابێت پشتگوێ بخرێن.

لە بابەتێکی ماڵپەڕی " lebanon24" دا ئاماژە بە دیارترین کارگەرییە زیانبەخشەکانی نیسکافەکراوە، بەم شێوەیە:

١. زیادبوونی دڵەڕاوکێ و فشاری دەروونی:

ڕێژەیەکی بەرزی کافاین لەخۆدەگرێت، کە دەبێتە هۆی هاندانی کۆئەندامی دەمار و دەبێتە هۆی کەمخەوی و سترێس و توڕەبوون، بەتایبەتی کاتێک بەڕێژەیەکی زۆر بخورێت.

٢. تێکچوونی خەو:

خواردنەوەی نیسکافەلە ئێواران یان پێش خەوتن کاریگەری نەرێنی لەسەر خەو دەبێت و دەبێتە هۆی کەمخەوی، ئەمەش دەبێتە هۆی ماندوێتی و کێشەی تەرکیزکردن لە ڕۆژی دواتردا.

٣. کێشەکانی گەدە و هەرس:

زیادەڕۆیی لە خواردنی نیسکافەدەبێتە هۆی خورانی ناوپۆشی گەدە و دڵەکزێ و تەنانەت هەوکردنی ڕیخۆڵە لە هەندێک حاڵەتدا.

٤. کەمی هەڵمژینی هەندێک ماددە خۆراکیەکان:

ڕەنگە نیسکافە ڕێگری بکات لە هەڵمژینی ئاسن و کالیسیۆم لە خۆراکدا، بەتایبەتی ئەگەر ڕاستەوخۆ دوای ژەمەکان بخورێت، ئەمەش دەبێتە هۆی کەمخوێنی یان لاوازی ئێسکەکان لە درێژخایەندا.

٥. ئالوودەبوون و وابەستەیی دەروونی:

بە بەردەوامی خواردنەوەی بڕێکی زۆر لە نیسکافەدەبێتە هۆی ئالوودەبوونی دەروونی، ئەمەش دەبێتە هۆی ماندوێتی یان سەرئێشە لەکاتی نەخواردنەوەی.

٦. زیادبوونی لێدانی دڵ و بەرزبوونەوەی پەستانی خوێن:

کافاین هاندەری دڵە، ئەمەش دەبێتە هۆی ناڕێکی لێدانی دڵ لە هەندێک کەسدا، هەروەها زیادەڕۆیی لە خواردنی دەبێتە هۆی بەرزبوونەوەی پەستانی خوێن.