دکتۆر ناتالیا میخایلۆڤا پزیشکی پسپۆڕی پێست و جوانکاری ئاماژە بەوە دەکات کە هەندێک کەس پێیان وایە بەرکەوتنی خۆر دەتوانێت یارمەتیدەر بێت بۆ چارەسەرکردنی زیپکە، بەڵام ئەمە تێڕوانینێکی هەڵەیە.

بە گوتەی دکتۆر میخایلۆڤا زۆرجار گوێبیستی ئەو ئامۆژگارییانە دەبین "بڕۆ بۆ کەنار دەریا بۆ چارەسەرکردنی زیپکەکانت" ، بێگومان زۆر کەس متمانەیان بە هێزی خۆر هەیە بۆ چارەسەرکردنی زیپکە، ڕاستە خۆر کاریگەرییەکی کەمی بەکتریاکوژی هەیە بەڵام بەرکەوتنی درێژخایەن بە تیشکی خۆر دەبێتە هۆی زیادبوونی کێشەکانی پێست، ڕاستەوخۆ بەشدارە لە گیرانی کونیلەکانی پێست و خراپتربوونی زیپکەکان، جگە لەوەش دوو رەنگبوونی پێست، سووربوونەوە و هەوکردنی پێست توندتر دەکەن.

ئەو پزیشکە ئامۆژگاری ئەو کەسانە دەکات کە زیبکەیان هەیە خۆیان لە بەرکەوتنی خۆر بەدوور بگرن، گرنگە لەبیرت بێت کە خۆر پێست چاک ناکاتەوە، هەر بۆیە پێویستە پارێزگاری لە پێستت بکەیت و باوەڕ بەو قسە باوانە نەکەیت.