پەرلەمانی عێراق بەرنامەی کاری دانیشتنی ژمارە (١٦)ی خۆی بۆ رۆژی دووشەممە، ٧ی ئەیلوولی ٢٠٢٦ بڵاوکردەوە، کە تایبەت کراوە بە ئەنجامدانی خوێندنەوەی یەکەم بۆ سێ پڕۆژەیاسای جیاواز لە بوارەکانی پەیوەندییە دەرەکییەکان و کشتوکاڵ و ئابووریدا.
ئەمڕۆ پێنجشەممە ٣ـی ئەیلولی ٢٠٢٦ ، پەرلەمانی عێراق بڵاویکردەوە، دانیشتنەکە کاتژمێر ١:٠٠ی دوای نیوەڕۆ دەستپێدەکات و تێیدا پڕۆژەیاسای پەیوەست بە رێکخراوی گەشەپێدانی ئافرەتان لە وڵاتانی ئیسلامی، هەمواری یاسای مامەڵەکردن بە کەرەستەی کشتوکاڵی و پڕۆژەیاسای هاوبەشی نێوان کەرتی گشتی و تایبەت تاوتوێ دەکرێن.
بەپێی
بەرنامەی کاری راگەیەندراو لەلایەن دەستەی سەرۆکایەتیی پەرلەمانەوە، بەرنامەی
دانیشتنی ژمارە (١٦)ی رۆژی دووشەممە، سێ تەوەر لەخۆدەگرێت:
تەوەرەی
یەکەم: خوێندنەوەی یەکەم بۆ پڕۆژەیاسای چوونەپاڵی کۆماری عێراق بۆ سیستەمی
بنەڕەتیی رێکخراوی گەشەپێدانی ئافرەتان لە وڵاتانی ئەندام لە رێکخراوی هاوکاریی
ئیسلامی (کە لە دوو مادە پێکهاتووە و لەلایەن لیژنەی پەیوەندییەکانی دەرەوە
ئامادەکراوە).
تەوەرەی
دووەم: خوێندنەوەی یەکەم بۆ پڕۆژەیاسای هەمواری یەکەمی
یاسای مامەڵەکردن بە کەرەستەکانی کشتوکاڵی ژمارە (٤٦)ی ساڵی ٢٠١٢ (کە لە هەشت مادە
پێکهاتووە و لەلایەن لیژنەی کشتوکاڵ و سەرچاوەکانی ئاو و هۆڕەکان بە هاوبەشی لەگەڵ
لیژنەی یاسایی پێشکەشکراوە).
تەوەرەی
سێیەم: خوێندنەوەی یەکەم بۆ پڕۆژەیاسای هاوبەشیی نێوان
کەرتی گشتی و کەرتی تایبەت (کە لە ٢٧ مادە پێکهاتووە و لەلایەن لیژنەی ئابووری و پیشەسازی
و بازرگانیەوە ئامادەکراوە).