PM:03:27:15/03/2026
1020 جار خوێندراوەتەوە
ئەنجوومەنی باڵای دادوەریی عێراق ئاماری فەرمیی لەبارەی ژمارەی گرێبەستەکانی هاوسەرگیری و کەیسەکانی جیابوونەوەی هاوسەرانی لە پارێزگاکانی عێراق بۆ مانگی شوباتی ٢٠٢٦ بڵاوکردەوە و بەپێێ ئامارەکان مانگی شوباتی رابردوو زیاتر لە ٢٨ هەزار گرێبەستی هاوسەرگیری تۆمارکراوە، زیاتر لە شەش هەزار کەیسی جیابوونەوە تۆمارکراوە.
ئەمڕۆ یەکشەممە ١٥ـی ئازاری ٢٠٢٦، ئەنجومەنی باڵای دادوەری ئاماری جیابوونەوە و هاوسەرگیری مانگی شوباتی راگەیاند، لە مانگی شوباتی رابردوودا، ٢٨ هەزار و ٤٧٩ گرێبەستی هاوسەرگیری تۆمارکراون، هەروەها شەش هەزار و ١٥١ کەیسی جیابوونەوەش لە دادگاکاندا تۆمارکراوە، کە زۆرترین گرێبەستی هاوسەرگیری لە بەغدا لە کەرەسافە تۆمارکراوە کە گەیشتووەتە چوار هەزار و ٨٦ حاڵەت.
ئاماژەی بەوەشکرد، دوای رەسافە کەرخ دێت کە سێ هەزار و ٤٤٧ حاڵەتە و پارێزگای
نەینەواش لە پلەی سێیەمدایە کە دوو هەزار و ٩٦٨ گرێبەستی هاوسەرگیری تێدا
تۆمارکراوە و هاوکات
کەمترین گرێبەستی هاوسەرگیری لە پارێزگای موسەننا تۆمارکراوە کە تەنها ٦٦٦ گرێبەست
بووە.
بەپێی ئامارەکە، زۆرترین
رێژەی جیابوونەوە لە رەسافەی بەغدا تۆمارکراوە کە هەزار و ٣٣١ حاڵەتە، دواتر کەرخ کە هەزار و ٩٤ کەیسی جیابوونەوەی تێدا
تۆمارکراوە، پارێزگای بەسرە لە پلەی سێیەمدایە کە ٥٣٩ حاڵەتی تێدا تۆمارکراوە،
کەمترین حاڵەتی جیابوونەوەش لە پارێزگای واست تۆمارکراوە کە تەنها ١٠٢ حاڵەت بووە.
