هاوکات، ئەم شەڕە کاریگەرییەکی راستەوخۆی لەسەر بەرهەمهێنان، گواستنەوە و دابینکردنی نەوت هەبووە و ترسێکی گەورەی لە بازاڕە جیهانییەکان دروست کردووە.

کێشە لە گەرووی هورمز یەکێکە لە هۆکارە سەرەکییەکان بۆ بەرزبوونەوەی نرخی نەوت، گەرووی هورمز یەکێکە لە گرنگترین رێگاکانی گواستنەوەی نەوت لە جیهاندا، کە نزیکەی ٢٠٪ نەوتی جیهان لەو گەرووەوە دەگوازرێتەوە و بەهۆی شەڕ و هێرشەکان، زۆربەی کەشتییە نەوتییەکان وەستاون یان رێگایان گۆڕیوە، ئەمەش دابینکردنی نەوتی کەم کردووە.

یەکێکی تر لە هۆکارەکان ئەوەیە هێرش دەکرێت بۆ سەر پاڵاوتگە یان کۆگاکانی نەوت، کە بەرهەمهێنانی نەوتی کەم کردووە و بازاڕی جیهانی نیگەران کردووە.
شارەزایانی بازاڕی نەوت پێشبینی دەکەن ئەگەر شەڕەکە درێژە بکێشێت یان گەرووی هورمز دابخرێت، نرخی نەوت دەگاتە نزیک ١٥٠ دۆلار بۆ هەر بەرمیلێک.
شەڕی ئێران و ئیسرائیل یەکێکە لە گرنگترین هۆکارەکانی گۆڕانکاری لە بازاڕی نەوتی جیهان لە ساڵی ٢٠٢٦دا. کێشەکانی گواستنەوەی نەوت، هێرش بۆ سەر پاڵاوتگەکان و کەمبوونی بەرهەمهێنان، هۆکاری بەرزبوونەوەی نرخەکان بوون، ئەگەر شەڕەکە درێژە بکێشێت، ئەوا کاریگەرییەکی درێژخایەن لەسەر ئابووری جیهان و نرخەکانی وزە درووستدەکات.