PM:03:22:14/08/2025
1556 جار خوێندراوەتەوە
وەزیری خوێندنی باڵا و توێژینەوەی زانستیی عێراق، رەزامەندیدا لەسەر کەمکردنەوەی کرێی خوێندنی خوێندکارانی ماستەر و دکتۆرا بە رێژەی ٪٢٥ و ٥٠٪.
ئەمڕۆ پێنجشەممە ١٤ـی ئابی ٢٠٢٥، بەپێی راگەیەندراوێکی وەزارەتی خوێندنی باڵای عێراق، دوو جۆر داشکاندن بۆ کرێی خوێندنی قوتابیانی ماستەر و دکتۆرا بۆ ساڵی خوێندنی ٢٠٢٥-٢٠٢٦ دەکرێت.
لە
راگەیەندراوەکەدا هاتووە، کەمکردنەوەی کرێی خوێندن بە رێژەی ٥٠٪
بۆ هەموو ئەو خوێندکارانەیە کە لەسەر کورسی گشتی و تایبەت وەرگیرابوون، بەڵام بەهۆی
بڕیاری گواستنەوەوە ناچارکراون بەشێوازی پارالێڵ و بە پارە خوێندنەکەیان تەوابکەن.
داشکاندنەکەی
دیکەش هەموو خوێنکارانە دەگرێتەوە کە لە بنەڕەتدا بە شێوازی تایبەت (پاراڵێڵ)
وەرگیراون، کرێی خوێندنیانی سەرجەمیان بە رێژەی ٢٥٪ کەمدەکرێتەوە بۆ هەموو ساڵەکانی
خوێندنیان.
