PM:06:50:11/08/2025
2688 جار خوێندراوەتەوە
وەزیری پەروەردەی هەرێم روونكردنەوەیەك دەربارەی هەڵسەنگاندنی قوتابخانەکان، كە پۆلی نۆی بنەڕەتی و ١٢ـی ئامادەییان هەیە بڵاودەكاتەوە و دەڵێت، لە ئێستاوە هەموو ناوەندەکانی خوێندن دەتوانن ئەنجامی هەڵسەنگاندنی دەرەکی ساڵی خوێندنی ٢٠٢٤ بۆ ٢٠٢٥ لە ئەپڵیکەیشنی (ئی – هەڵسەنگاندن) ببینن.
ئەمڕۆ دووشەممە ١١ـی ئابی ٢٠٢٥، ئالان حەمەسەعید، وەزیری پەروەردەی هەرێم لە روونكردنەوەیەكدا دەڵێت، لیژنەی باڵای هەمیشەیی تاقیکردنەوە گشتییەکان تایبەت بوو بە تاقیکردنەوەی نیشتیمانی پۆلی ٩ـی بنەڕەتی و تاقیکردنەوەی وەزاری پۆلی ١٢ـی ئامادەیی، وەزارەت پۆلێنبەندی و شیکاری ئەنجامدا بۆ هەموو ئەو قوتابخانانەی کە پۆلی نۆیەمی بنەرەتیان هەبوو.
ئاماژەی بەوەشکردووە،
لێرەوە ئەو ئەنجامانە بۆ هەموو قوتابخانەیەک ڕادەگەیەنین لەناو ئەپڵیکەیشنی ( ئی –
هەڵسەنگاندن) .
دەشڵێت، دوای
تاقیکردنەوەکانی خولی دووەمی پۆلی ١٢ـی ئامادەیی بەهەمان شێوە شیکاریی و
پۆلێنبەندی بۆ ئەنجامەکانی هەموو ئەو قوتابخانانە دەکرێت کە پۆلی ١٢ـی ئامادەییان
هەیە.
جەختیشی كردووەتەوە،
لە هەمانکاتدا لەئێستاشەوە هەموو ناوەندەکانی خوێندن دەتوانن ئەنجامی هەڵسەنگاندنی
دەرەکی ساڵی خوێندنی ٢٠٢٤-٢٠٢٥ لە ئەپڵیکەیشنی (ئی – هەڵسەنگان) ) ببینن.
لەم دوو
وێنەیەی خوارەوەدا ڕوونکراوەتەوە کە چۆن دەتوانن سەیری ئەنجامەکان بکەن لەناو
ئەپڵیکەیشنی ( ئی- هەڵسەنگاندن):
