AM:08:19:05/07/2025
1864 جار خوێندراوەتەوە
دوای ئەوەی ئێران هاوکارییەکانی لەگەڵ ئاژانسی نێودەوڵەتی وزەی ئەتۆم راگرت، ئەمە بووە هۆی بەرزبوونەوەی نرخی نەوت لە بازاڕەکانی جیهاندا، ئەمڕۆ نرخی بەرمیلێک نەوتی خاوی برێنت بە ٦٨ دۆلار و ٣٠ سەنت مامەڵەی پێوەدەکرێت و بەراورد بە دوێنێ نرخەکەی جێگیرە.
ئەمڕۆ شەممە ٥ـی تەمموزی ٢٠٢٥، نرخی بەرمیلێک نەوتی تەکساسیش بەراورد بە دوێنێ لە جێگیریدا مایەوە و بە ٦٦ دۆلار و ٥٠ سەنت مامەڵەی پێوەدەکرێت.
ئەمەش لە کاتێکدایە بڕیارە ئەمڕۆ هەشت ئەندامی ئۆپیک پڵەس کە بریتین لە سعودیە، روسیا،
ئیمارات، کوەیت، عومان، عێراق، کازاخستان و جەزائیر کۆبوونەوەیەکی ئۆنلاین ئەنجام
بدەن بۆ دیاریکردنی ستراتیژی بەرهەمهێنانی نەوت بۆ مانگی ئاب، بەگوێرەی سەرچاوەکان بڕیار لە زیادکردنی ٤١١ هەزار بەرمیل نەوت لە رۆژێکدا
دەدەن.
