وەزیرى بەرگری عێراق دەڵێت، گرێبەستیان کردووە بۆ کڕینى سیستمى بەرگریی ئاسمانى لە کۆریاى باشوور و لە چەند مانگی داهاتوو بەشى یەکەمى وەردەگرن و دەشڵێت، دڵنیایی دەدەنە هێزە چەکدارەکانیان کە سیستمى بەرگری ئاسمانى پێشکەوتوو دەگاتە عێراق.
ئەمڕۆ هەینی ٢٠ی حوزەیرانی ٢٠٢٥، سابت عەباسى، وەزیرى بەرگری عێراق وتی، ساڵی رابردوو رێککەوتنێکی ستراتیجییان لەگەڵ کۆمپانیای ئاى ئێڵ جى نێکست یەک (LIG Nex1) کردووە کە سەر بە وەزارەتی بەرگری کۆریای باشوورە و یەکێکە لە کۆمپانیا پێشەنگەکانی جیهان لە پیشەسازیی بەرگریدا.
ئاماژەی
بەوەشکرد، ئەم رێککەوتنە ئامانجی دابینکردنی سیستمێکی بەرگریی ئاسمانی پێشکەوتووە
بۆ عێراق، کە توانای بەرپەرچدانەوەی هێرشە ئاسمانییەکانى هەبێت.
وتیشی، لەماوەى رابردوودا، چەند
فڕۆکەیەکی فرە رۆڵی کارکاڵی فەڕەنسییان وەرگرتووە، لە ماوەی داهاتووداشدا چەند
دانەیەکی دیکە دەگاتە عێراق.
ئەوەشی
خستەڕوو، دڵنیایی دەدەنە هێزە چەکدارەکانیان کە سیستمى بەرگری ئاسمانى پێشکەوتوو
دەگاتە عێراق.
باسی
لەوەشکرد، پاراستنی ئاسمان و سەروەریی عێراق تەنیا دروشم نییە و بەرپرسیارێتییەکە
و هەڵیدەگرن و کارى بۆ دەکەن.