AM:11:21:18/06/2025
2300 جار خوێندراوەتەوە
بەمەبەستی پاراستنی هاوڵاتییان و ژینگە لە مەترسییە ئەتۆمییەکان و لە چوارچێوەی هەوڵێکی بەکۆمەڵی وڵاتانی عەرەبی، عێراق ژورێکی ئۆپەراسیۆنەکان بۆ حاڵەتە نائاساییە ئەتۆمییەکان پیکدەهێنێت.
ئەمڕۆ چوارشەممە، ١٨ـی حوزەیرانـی ٢٠٢٥، دەستەی نیشتمانی رێکخستنی ئەتۆمی تیشک و کیمیایی و بایۆلۆجی لە عێراق رایگەیاند، پێکهێنانی ژوری ئۆپەراسیۆن (شانەی قەیران) پەسەندکراوە بۆ پەیوەندیکردنی دەستبەجێ و هەماهەنگی وەڵامدانەوەکان کاتێک هەر گۆڕانکارییەکی نائاسایی رودەدات.
ئاماژە بەوەشکراوە، ئەو هەنگاوە لە
چوارچێوەی هەوڵێکی بەکۆمەڵی وڵاتانی عەرەبی دێت، بۆ رووبەڕوبوونەوەی ئەو ئاڵنگارییانەی
لە ئۆپەراسیۆنەکانی نێوان ئیسرائیل و ئێران سەرهەڵدەدەن.
دەشڵێت، لە ئەنجامی ئەوەیە کە دامەرزاوە
ئەتۆمییەکان دەکرێنە ئامانج لە ناوچەکە، بەمەبەستی پاراستنی هاوڵاتییان و ژینگە و
پاراستنی ئاسایش و سەلامەتی ناوچەکە لە مەترسییە ئەتۆمییەکان.
ئەمە
لەکاتێکدایە، لەکاتی دەستپیکردنی هێڕشەکانی نێوان ئێران و ئیسرائیل، چەندین جار عێراق داوای ئەوەی
کردووە سەروەری ولاتەکەی بپارێزرێت، ئەمەش بەهۆی ئەوەی بەشێکی زۆری موشەکەکانی
هەردوو وڵات بە ئاسمانی عێراقدا دەنێردرێت.
