PM:02:04:17/05/2025
4052 جار خوێندراوەتەوە
بریکاری وەزیری دەرەوەی عێراق رایگەیاند، دۆخی سیاسی عێراق جێگیربووە و دەتوانێت هەلی کار برەخسێنێت، دەشڵێت، وەک و عێراق پێشنیازی سندوقێکیان کردووە وڵاتانی عەرەبیش لەبارودۆخە سەختەکاندا دەتوانن سودی لێوەربگرن.
ئەمرۆ شەممە ١٧ـی ئایارـی ٢٠٢٥، هیشام عەلەوی، بریکاری وەزیری دەرەوەی عێراق لە کۆنگرەی لوتکەی وڵاتانی عەرەبی بە ئێن ئارتی راگەیاند، لە لوتکەی وڵاتانی عەرەبیدا بارودۆخی ناوچەکان بەتایبەت سوریا و لیبیا و سۆماڵ، فەلەستین، تاوتوێ دەکرێت، هاوکات، گفتووگۆ لەبارەی راگرتنی هێرشەکانی ئیسرائیلیش دەکرێت.
ئاماژەی
بەوەشکرد، عێراق پێشنیازی ئەوەی هەیە سدوقێک دابنرێت بۆ سەرلەنوێ ئاوەدانکردنەوەی
فەلەستین، ئەوە سندوقێکی فراوانە و وڵاتانی عەرەبیش لەبارودۆخە سەختەکاندا دەتوانن
سودی لێوەربگرن.
لەکۆتای
قسەکانیدا هیشام عەلەوی ئەوەشی خستەروو، دۆخی ئەمنی و سیاسی عێراق جێگیربووە و
دەتوانێت هەلی کار بڕەخسێنێت و بۆ ئەو مەبەستە کارئاسانی بکات.
س.ج
