PM:09:37:14/05/2025
4028 جار خوێندراوەتەوە
وەزیری خوێندنی باڵای عێراق لە میانەی گفتوگۆکردن لەگەڵ باڵیۆزی كۆماری چین، داوای دامەزراندنی زانکۆیەکی عێراقی - چینی تایبەت بە زیرەکی دەستکرد دەکات.
ئەمڕۆ چوارشەممە، ١٤ی ئایاری ٢٠٢٥، وه‌زاره‌تی خوێندنی باڵای عێراق لە راگەیەندراوێکدا بڵاویکردەوە، نه‌عیم عه‌بودی، وه‌زیری خوێندنی باڵای عێراق، پێشوازی له كوی وی، باڵیۆزی كۆماری گه‌لی چین له به‌غدا كرد و گفتوگۆیان له‌سه‌ر رێگاكانی په‌ره‌پێدانی هاوبه‌شی زانستی و په‌روه‌رده‌یی نێوان زانكۆكانی هه‌ردوو وڵات كرد.
ئاماژە بەوەشکرا، لە
میانەی گفتوگۆکەدا باس لە دامه‌زراندنی دامه‌زراوه‌یه‌كی ئه‌كادیمی تایبه‌ت به
زیره‌كی ده‌ستكرد كرا، بە مەبەستی په‌ره‌پێدانی ژێرخانی زانیاری و
تەکنۆلۆجی و خزمه‌تكردنی ئامانجه‌كانی گه‌شه‌پێدانی به‌رده‌وام.
باس لەوەشکرا، باڵیۆزی چین پشتگیری و خواستی وڵاته‌كه‌ی بۆ به‌شداریكردن له هاوکاری
ئه‌كادیمی هاوبه‌ش له بواره‌كانی په‌روه‌رده و ته‌كنه‌لۆژیا ده‌ربڕی.
