دوای ئەوەی زێڕ نزیکەی ٢٠٠ دۆلار لە نرخەکەی دابەزی، ئەمڕۆ جارێکی دیکە لە بازاڕەکانی جیهاندا بەرزبووەوە و بەراورد بە دوێنێ نرخی هەر ئۆنسەیەک ٤٠ دۆلار بەرزبووەتەوە.
ئەمڕۆ پێنجشەممە ٢٤ـی نیسانی ٢٠٢٥، بەگوێرەی بازاڕە جیهانییەکان، نرخی ئۆنسەیەک زێڕ بە سێ هەزار و ٣٢٦ دۆلار مامەڵەی پێوەکرا، بەراورد بە دوێنێ بۆ هەر ئۆنسەیەک ٤٠ دۆلار لە نرخەکەی بەرزبووەتەوە.
ئەوەش لەکاتێکدایە، کە وەبەرهێنان لە سایەی دۆخی جینۆسیاسی و جەنگی
بازرگانیدا وەک پەناگەیەکی ئارام بە چڕی روویان لە کڕینی کردووە و بەهای زێڕ لە سەرەتای
ئەمساڵەوە بەڕێژەی ٢٠٪ بەرزبووەتەوە و جەنگی بازرگانی و دۆخی جیۆسیاسی و کەمکردنەوەی
نرخی سوود هۆکاری گرانبوونی زێڕن.
نرخی زێڕ لە بازارەکانی کوردستان بەم شێوەیەیە:
زێڕی عەیارە ١٨ بە ٦٠٠ هەزار دینارە
زێڕی عەیارە ٢١ بە ٧٠٠ هەزار دینارە
زێڕی عەیارە ٢٢ بە ٧٣٢ هەزار دینارە
زێڕی عەیارە ٢٤ بە ٧٩٩ هەزار دینارە
نرخی ١ لیرەی عەیارە ٢١ بە ٧٠٠ هەزار دینارە