AM:08:36:28/02/2024
3564 جار خوێندراوەتەوە
پەروەردەی گشتی سلێمانی رایگەیاند، بەهۆی ئەو کەشە ناجێگیرەی رووی لە سلێمانی کردووە سەرجەم بەڕیوەبەرایەتییەکان و ناوەندەکانی خوێندن لە پێناو پاراستن و سەلامەتی گیانی خوێندکاران و مامۆستایان و فەرمانبەران دەتوانن بیکەنە پشوو.
ئەمڕۆ چوارشەممە، بەڕێوەبەرایەتی گشتی پەروەردەی سلێمانی راگەیەندراوێکی بڵاوکردەوە و تێیدا هاتووە، دەسەڵاتیان پێدراوە بەهۆی بەفربارین و بای بەهێزەوە و لەپێناو سەلامەتی گیانی خوێندکاران و مامۆستایان لە هەر شوێنێک ئاستەنگی هاتوچۆ دروستبووبێ دەوامی ناوەندەکانی خوێندن بکرێتە پشووی فەرمی.
ئاماژە بەوەش کراوە، لە هەر پەروەردە و یەکە ئیدارییەک
ئاستەنگی هاتوچۆ دروستبووبێ لەبەر سەلامەتی گیانی خوێندکاران و مامۆستایان دەوام
نابێت و پشووی فەرمیە.
بەیانی ئەمڕۆ بەفر چەند ناوچەیەکی هەرێمی گرتووەتەوە و لە سەنتەری شاری سلێمانیش بەفر باریوە و ئاستەنگی هاتوچۆ دروستبووە.
لەوبارەیەوە پەیامنێری ئێن ئاڕ تی رایگەیاند، شەقامی گۆیژە و ئەزمەر بەهۆی بەفربارین
و بایەکی بەهێزەوە شەقامەکە بە رووی شۆفێراندا داخراوە و داواش کراوە بە هیج جۆرێک
شەقامە بە کارنەهێندرێت.
