ئەسپرین بە شێوەیەکی بەرفراوان بەکاردەهێنرێت بۆ کەمکردنەوەی ئازار و هەوکردنی سووک تا مامناوەند، هەروەها بە ژەمە کەمەکان (٧٥ میلیگرام ڕۆژانە) بەکاردێت بۆ کەمکردنەوەی ئەگەری جەڵتەی مێشک و جەڵتەی دڵ، ئەم ژەمە کاریگەری ئازارشکێنی نییە، هەرچەندە هەندێک کات دەبێت ئاگاداری خواردنی ببیت
بەپێی ماڵپەڕی"Aljazeera" لە بابەتێکی تەندروستیدا باسی حەبی ئەسپرین دەکات و ئەو حاڵەتانەی خستووتەڕوو کە دەتوانرێت چارەسەرەکەی تێدا بخورێت هاوکات ئەو حاڵەتانەی کە نابێت ئەسپرینی تێدا بخورێن، بەم جۆرە
ئەو حاڵەتانەی کە حەبی ئەسپرینی تێدا دەخورێت:
- کەمکردنەوەی تا
- کەمکردنەوەی ئازاری مامناوەند وەک ئازاری ماسولکە، ددان، و
سەرمابوون و سەرئێشە
- کەمکردنەوەی ئازار و هەوکردن، بەتایبەت بۆ هەوکردنی جومگەکان
- بڕێکی کەم دەتوانرێت بخورێت بۆ کەمکردنەوەی تووشبوون بە جەڵتەی دڵ،
و مێشک
- دوای نەشتەرگەری بۆ کردنەوەی خوێنبەرە داخراوەکان، پزیشک رێژەیەکی
کەم بەکاردەهنێنێت بۆ پارێزگاریکردن لە جەڵتەی خوێن
ئەو کاتانەی نابێت حەبی ئەسپرین بخوڕێت:
- دەبێت پێش بەکارهێنان، راوێژکاری بە پزیشک بکەیت ئەگەر ئەمانەت هەبوو
- تێکچوونی خوێنبەربوون یان خوێن مەین، وەکو هیمۆفیلیا
- کەمی ڤیتامین K -کەبوونەوەی
ژمارەی خرۆکە سوورەکان
- ژنانی دووگیان یان ئەوانەی چاوەڕێی دووگیانین و بەنیازن بەشێوەیەکی
سروشتی منداڵەکە بهێننە ژیانەوە
- ئەوانەی هەستیارن بە ئەسپرین و پێکهاتەکانی
- ئەوانەی کێشەی گەدەیان هەیە، بەتایبەت ئەوانەی پێشتر تووشی برینی
گەدە بوون
- رەبۆ
ئەو زیانانەی کە ئەسپرین بە جەستەی دەگەیەنێت خۆی دەبینێتەوە لە
دروسکردنی کێشەکانی گەدە، دڵەکزێ، خوێنبەربوون و شین هەڵگەران