خاوەن ماڵێک لە ویلایەتی وێڵز، دوای بڕینی دار لیمۆیەکی تەمەن ١٠٠ ساڵ لە باخچەی پشتەوەی خۆیدا، بە بڕی 116 هەزار پاوەند غەرامە کرا.

بەپێی هەواڵێکی ڕۆژنامەی "میرەر"، کلێر ڕاندز ڕایگەیاندووە کە بۆ بڕینەوەی دارەکە ئاگاداری ئەوە نەبووە کە پێچەوانەی یاسا بووە، ئاماژەی بەوەشکردووە، ئاگرکەوتنەوەی بەردەوامی ئەو باخچەیە وایکردووە باوەڕی بەوە هەبێت کە دارەکە دەتوانێت مەترسییەکی ئەگەری دروست بکات.

دەسەڵاتداران داواکارییەکانی ئەو خێزانەیان ڕەتکردەوە بۆ هەڵگرتنی فەرمانی پاراستنی دارەکانکە بڕین یان لەناوبردنی دارەکان بەبێ مۆڵەتی ئەنجومەنی ناوخۆیی قەدەغە دەکات.

فەرمانی پاراستنی کاتی کە لەسەر دارەکە دانراوە ئەمەش بڕین یان لەناوبردنی قەدەغە دەکات، تەنانەت لەسەر موڵکی تایبەتیش بۆیە بڕینەوەی دارەکە بەبێ مۆڵەت بە سەرپێچی یاسایی دادەندرێت.

دوای مشتومڕێکی یاسایی درێژخایەن لە نێوان هەردوو لایەن، کلێر ڕاندز تانەکەی لە دژی سزاکە دۆڕاند و لە هەمان ڕۆژدا لەلایەن دادوەر سیلیا هیوزەوە سزای بەسەردا سەپێندرا.