وەزارەتا ساخلەمیا هەرێمێ راگەهاند، ١١ کەسێن دی ل سلێمانی و هەلەبجە و دەربەندیخان توشی کۆرۆنایێ بوون و ب وێیەکێ ژی هەژمارا توشبوویێن هەرێمێ بۆ ٢٠١ کەسان بلندبوو.

لیژنەیا دارایا پەرلەمانێ عێراقێ چەند پێشنیارێن نوو دەرکرن و د ناڤ دا بەحس دکەت پێدڤیە هەرێم تەڤاهیا بەرهەمئینانا نەفتا خۆ ڕادەستی عێراقێ بکەت.

ژمارەیا توشبوویێن کۆرۆنایێ د جیهانێ دا یەک ملیۆن دەربازکر و ژمارەیا وان کەسێن ژیانا خۆ ژدەستداین گەهشتە زێدەتر ژ ٥۱ هزار کەسان و هەیا نها زێدەتر ژ ۲۱۰ هزار کەس ژ نەخوشیێ چێبوونەڤە.

سەرۆکێ فلیپین هۆشداریێ ددەت وەلاتیێن ولاتێ خۆ، کو هەر کەسێ بنپێکاریا قەدەغەیا هاتن و چوونێ بکەت دێ تەقە لێ هێت کرن و هێتە کوشتن.

نڤیسینگەها ڕاگەهاندنا پەرلەمانێ ئیرانێ بەلاڤکریە، عەلی لاریجانی سەرۆکێ پەرلەمانێ وی ولاتی تووشی کۆرۆنایێ بوویە و هاتیە کەرەنتین کرن.

بهایێ نەفتێ د بازاڕێن جیهانێ دا ب ئاوایەکێ نەچاڤەڕێکری ب ڕێژەیا ۳۳٪ بلندبوو ب جورەکێ بهایێ بەرمیلەکا نەفتا خاڤ یا برێنت د بازارێن جیهانێ دا ژ ۲٦ دۆلاران بۆ ۳۳ دۆلاران و بهایێ بەرمیلەکا نەفتا خاڤ یا ئەمریکی ژ ۲۱ دۆلاران بۆ ۲۷ دۆلاران بلندبوو.

وەزیرێ پەروەردێ ڕاگەهاند، ئەگەر ڤایڕوۆسێ کۆرۆنایێ ل هەرێمێ بهێت کۆنترۆلکرن دێ ۲ێ مەها ئایارێ دێ پڕۆسەیا خۆاندنێ دەستپێکەت و دبێژیت ، د ئەڤسال دا قۆناغا ۹ێ بنەرەتی دگەل پولێن نەکوتایان دێ تاقیکرنان کەن.

شاسوار عەبدولواحید، ئەوا لهەمبەری وان دهێتەکرن بۆ وێ یەکێ یە هەیا لهەمبەری گیرۆبوونا موچەی بێ دەنگبین، ژبەر حکومەت ب ژڤانە ب دوو مەهان جارەکێ موچەیەکی بدەت، لێ ئەم ژ ڤان کاران ناترسین و بێ دەنگ نابین.

وەزارەتا ساخلەمیا عێراقێ ڕاگەهاند، د دەما ۲٤ دەمژمێرێن دەربازبوویی دا ۲٥ حالەتێن نوو یێن توشبوون ب کۆرۆنایێ و دوو حالەتێن ژیان ژ دەستدان و ۲۰ چێبوونەڤە هاتنە تۆمارکرن.

جێگرا سەرۆک وەزیرێ ڕوسیا ڕاگەهاند، ولاتێ وان مەها حوزەیرانا داهاتی دێ ڤاکسینا ڤایرۆسێ کۆرۆنایێ تاقیکەت.

سەرۆکێ فراکسیۆنا نەوەی نوێ ل پەرلەمانێ کوردستانێ ڕاگەهاند، بڕیارا دەستەسەرکرنا شاسوار عەبدولواحید گڤاشتنا سیاسیە، دبێژیت ژی، حکومەت دخوازیت ب وان گڤاشتنان ئۆپۆزسیۆنێ د ئاستێ نەدانا مووچەیێ فەرمانبەران بێدەنگ بکەت.

ڤایرۆسێ کۆرۆنایێ هەریەک ژ سەرۆک وەزیرێ ئیسرائیلێ و سەرۆکێ ئیستیخباراتیا مۆسادێ و وەزیرێن کابینەیا حکومەتا وی ولاتی نەچارکرن بچنە د کەرەنتینەیێ دا، ئەڤە ژی پشتی وێ یەکێ کو وەزیرێ ساخلەمیا وی ولاتی توشی کۆرۆنایێ بوو.

وەزارەتا ساخلەمیا ئیرانێ ڕاگەهاند، د دەما ٢٤ دەربازبوویی دا دوو هزار و ٨٧٥ کەسێن دی توشی کۆرۆنایێ بوونە و بڤێ یەکێ ژی هەژمارا توشبوویان بۆ ٥٠ هزار و ٤٦٨ کەسان بلندبوو.

سازیا ساخلەمیێ ل دوبەی بەحسا نەهـ کریار و چالاکیان کریە کو وەسا دکەن سیستەما بەڕەڤانیێ بهێز ببیت، ئەڤە ژی وەسا دکەت باندۆریا ڤایرۆسان لسەر لەشی کێم ببیت ب تایبەت د ڤی دەمی دا کو ڤایرۆسێ کۆرۆنایێ بەلاڤبوویە.

هونەرمەند و ئەکتەرێ تورک تورهان کایا د تەمەنێ ٦٩ سالیێ دا ژبەر توشبوون ب کۆرۆنایێ ژیانا خۆ ژدەستدا.

وەزیرێ ساخلەمیا عێراقێ پێشبینی دکەت ل داوییا مەها ئایارا (مەها پێنج) داهاتی، مەترسیا کۆرۆنایێ د عێراقێ دا نەمینیت.

ل پارێزگەھا دھۆکێ بھایێ ھەر ئەمپرەکێ کارەبا موەلیدێ بۆ مەھا دەربازبووی ھاتە دیارکرن کو ٩ ھزار و ٥٠٠ دینارن.

پۆلیسێن سلێمانیێ ب مەرەما دەستەسەرکرنا شاسوار عەبدولواحید، سەرۆکێ ڤەلڤینا نەوەى نوێ چوونە سەر مالا وی.

​ڤەخوارنا چایا بەیبوونان چەندین مفایین گرنگ بۆ ساخلەمیێ هەنە، ژبەر هندێ گرنگە رۆژانە ڤەخۆی دا کو ساخلەمیەکا باشتر تە هەبیت و خودان پیستەکێ جوان بی.

​رێڤەبەریا گشتی یا سەقاناسی و عەردھەژا ھەرێما کوردستانێ پێشبینیێن سەقای بەلاڤکرن و ڕاگەھاند، ئەڤرۆ ئەسمان دێ تیڤ عەڤر بیت و پاشی دێ هێتە گوهەرتن بۆ عەڤرێن تەمام دگەل باران بارینێ و بریسیان و دێ بارانەکا مامناڤەند بیت، سوبەهی دێ ئەسمان نیڤ عەور و عەورێن تەمام بیت و دگەل بارانبارینا پشتى نیڤرۆ و ل دەڤەرێن چیایی ژى دێ بارانەکا بهێز باریت.

پەیڤدارێ بازارێ دولارەکە یێ سلێمانیێ راگەهاند، ئەڤرۆ د دەمێ کارکرنێ دا د بازاری دا بهایێ دولاری داکەت و دراڤێن دی ژى تا رادەکێ د جێگیرن.

ئەڤرۆ پێنج شەمبێ ٢ێ نیسانا ٢٠٢٠ێ بهایێ یەک ئونسا زێڕی د بازارێن جیهانێ دا ب هزار و ٥٩٤ دۆلارانە و بهایێ یەک گرامێ ژى پێکدهێت ژ ٥١ دۆلارانە.

وەزارەتا ساخلەمیا هەرێمێ راگەهاند، دوو کەسێن دی توشبووی ڤایرۆسێ کۆرۆنایێ بوون، ب ڤی ئاوایی ژى هەژمار توشبوویان گەهشتە ١٩٠ کەسان.

ساخلەمیا کەرکوکێ راگەهاند، پێنج حالەتێن نوویێن توشبوون ب کۆرۆنایێ هاتنە تومارکرن، هەمى تێکەلی کەسێن توشبووین بەرى نها بووینە.

ئاژانسا نووچەگەهانی یا رۆیتەرز بەلاڤکریە، ل پشتى هەلبژارتنا جهگرێ ئەبو مەهدی موهەندس بۆ پۆستێ جێگرێ سەرۆکێ دەستەیا حەشدا شەعبی، ئالوزی د ناڤ حەشا شەعبی دا زێدەتر کوور کرنە.

دبيت گەلەک جاران ژ نۆژدار و پسپۆرێن ساخلەمی هاتبيتە بهیستن کو نانێ جەهی ژ بۆ ساخلەمیا مرۆڤان باشە. ب تایبەت کەسێن دانعەمر دەما کو سەردانا نۆژداران دکەن، پیشنیارا خوارنا نانێ جەهی بۆ وان تێ کرن.

ئەڤرۆ بهایێ بەرمیلەکا نەفتا برێنت د بازاڕێن جیهانێ دا ب ٢٦ دۆلار و ٣١ سەنتانە و هەڤدەم بهایێ بەرمیلەکا نەفتا خاڤا ئەمریکی ژی ب ٢١ دۆلار و ٣٧ سەنتانە.

لگۆر بەلگەنامەکێ کو وێنەیەک دەست ئێن ئاڕ تی کەتیە ، پەڕلەمانتارەکێ بەرێ یێ عێراقێ تووشی کۆرۆنایێ بوویە.

د ئەنجاما توپبارانا لەشکەرێن تورکیا دا بۆ سەر گۆندێ رەبیاتێ ٤ سڤیل بڕینداربوون.

هەژمارا توشبوویێن کۆرۆنایێ د جیهانێ دا گەهشتە ۹۰۳ هزار و ٥٦۰ کەسان و هەژمارا وان کەسێن ژیانا خۆ ژ دەست داین ٤٥ هزار و ۳۲۰ کەس دەربازکر و هەیا نها ژی ۱۹۰ هزار و ٦٦۰ کەس ژی چێبووینەڤە.