ل سەنتەرێ دهۆکێ لەهی دروست بوویە و ئاڤ چویە ناڤ سەدان مالێن هژمارەکا تاخێن دهۆکێ و ل پتریا جاددەیان ئاڤ کۆم بوویە، بەرەڤانیا باژێرێ دهۆکێ ژی دبێژیت، ژبەر لەهیێ ل تاخێ نزارکێ دوو کەس بێ سەروجهـ بوینە.
بەرەڤانیا باژێرێ دهۆکێ ڕاگەهاند، ژبەر نەبنەجهیا رەوشا سەقای هایداریا وەلاتیان دکەین کو ئەگەر چ کارێن گرنگ و پێدڤی نەبن ژ مالێن خۆ دەرنەکەڤن، ژلایەکێ دی ڤە باژێرڤانیا دهۆکێ ڕاگەهاند، ئاڤ چویە ناڤ هژمارەکا مالان ل نزاركێ و دەردورێ وێ و ڕووبارێ هشكهروو و مالتایێ پرى ئاڤ بوینه، ههروهسا چهندین جادده یێن سهنتهرێ دهۆكێ و دومیزێ هاتینه گرتن.
بۆ سێیەم رۆژ لسەر ئێک بایکۆتا بەشەکا فەرمانگەهان دژی گیروبوون و نەدانا مووچەی ل سنورێ سلێمانیێ بەردەوامە.
لدیف داتایێن بازارێ جیهانێ د نها دا ئێک بەرمیلا پەترۆلا خاڤا برێنت ب ٨٦ دۆلار و ٧٥ سەنتان بازار پێ دهێتە کرن، بڤێ ژی هەڤبەر ب رۆژا دەربازبووی بهایێ وێ زێدەتری دۆلارەکی بلند بوویە.
پارێزگەها نەجەف و بابل و موسەننا و ئەنبار و سەلاحەدین و دیالە ڕاگەهاند، ب سەدەمێ باران بارینا ب تۆز و نە بنەجهیا رەوشا سەقای سوبەهی سێشەمبی ل هەمی سازیان بهێنڤەدانا فەرمی یە.
ئەرکدارکریێ نەتەوەیێن هەڤگرتی ل عێراقێ ڕاگەهاند، بڕیڤەچوونا هەلبژارتنا پەرلەمانێ هەرێمێ ١٠ـی حوزەیرانێ و د دەمێ خۆ دا زۆر گرنگە.
پارێزگارێ هەولێرێ ڕاگەهاند، سوبەهی ل هەولێرێ دەوام ئاسایی دبیت و بێهنڤەدان ناهێتە ڕاگەهاندن.
بالیۆزا ئەمریکا ل عێراقێ ڕاگەهاند، دلگرانن ژ بایکۆتکرنا هەلبژارتنا پەرلەمانێ کوردستانێ ژلایێ پارتی ڤە و داخازێ ژ حکومەتا عێراقێ و هەرێمێ دکەین پشتراست بکەن کو هەلبژارتن د ئازاد و دادپەروەر و زەلال و باوەرپێکری نە.
رێڤەبەریا سەقاناسی یا هەرێمێ ڕاگەهاند، ب سەدەمێ ب هێزیا باران بارینا ئەڤەشەڤە ئەگەرێ دروستبوونا لەهیێ هەیە و هایداریێ ددەتە وەلاتیان بۆ جێبەجێکرنا رێنمایێن خۆپارێزیێ.
جڤاتا وەزاریا عێراقێ بۆ کاروبارێن ئابووری، بۆ وەرزێ چاندنا ئەڤسالە عێراقێ بهایێ تەنەکێ گەنمی ب ٨٥٠ هزار دیناران دیارکر.
مامۆستا و وانەبێژ و فەرمانبەرێن خاندنا کوردی ل کەرکوکێ ڕاگەهاندن، پێدڤیە د ڤێ حەفتیێ دا و ب زویترین دەم دەست ب دابەشکرنا مووچەی بهێتە کرن، دبێژن ژی،"ئەگەر ڤێ حەفتیێ مووچەیێن وان دابەش نەکەن دێ دەست ب خۆنیشاندانێ کەن"
وەزارەتا داراییا عێراقێ ڕاگەهاند، وەزارەتا وان بەرپرسە ژ دابەشکرنا مووچەیێ هەمی چین و تەخان د دەمێ دیارکریێ خۆ دا و هەمی وان تۆهمەتان رەتدکەن کو بەحسا پاشکەفتنا شایستەدارایێن چەند چین و تەخان دکەن.
سەرۆکێ ڤەلڤینا نەوەی نوێ ڕاگەهاند، وان وەکی نەوەی نوێ دەمەکە گۆتیە پارتی و یەکێتی هەلبژارتنێ بکەن خوسارەت دبن و نەکەن دێ هەرفن. دبێژیت ژی، "بۆ یەکێتی و پارتی پێشنیارێ دکەم هەیامەکێ ئۆپۆزسیۆن بن".
مەکتەبا سیاسیا پارتی ڕاگەهاندنەک بەلاڤکر و تێدا هاتیە، بڕیارێن دادگەها فیدڕالی دژی هەرێمێ نە و بۆ هەلبژارتنا گەڕا شەشێ یا پەرلەمانێ کوردستانێ، پشکداریا هەلبژارتنا نەدەستوری ناکەن.
فەرماندەیێ بەرێ یێ فەرماندەیا ناڤەندیا ئەمریکا و فەرماندەیێ ئۆپراسیۆنێن تایبەتێن ئەمریکا بۆ دیجیتال میدیایا ئێن ئاڕ تی ڕاگەهاند، بەرسڤا وان بۆ وان هێرشێن کو بۆ سەر هێزێن وان ل عێراق و دەردورێ وێ دهێنەکرن دێ یا گران بیت، دبێژیت ژی، "نێرینا من یا وەسایە کو چ بڕیار لسەر ڤەکشیانا هێزێن ئەمریکا ل عێراقێ هاتبنەدان".
سەرۆک وەزیرێن عێراقێ ڕاگەهاند، پێدڤیە گرنگیەکا زێدەتر ب وان پرۆژەیان بهێتەدان کو هاریکارن ژ بەرەف پێشبرنا ژێرخانا ئابوری و زێدەترین دەلیەڤیێن کاری پەیدا دکەن.
ڤەلڤینا نەوەی نوێ ڕاگەهاندنەک دەربارەی مووچەیێ مووچەخۆران بەلاڤکر و ڕاگەهاند، "پارەیێ بەغدا رادەستی مە بکەن دگەل داهاتێ ناڤخۆ و هەڤکاریا هەڤپەیمانان ئەگەر مە مووچە دابەشنەکر بلا مە ل سێدارە بدەن".
سەقاناسیا هەرێمێ ڕاگەهاند، ژ ئەڤرۆ ڤە پێلەکا بهێزا بارانێ دێ دەڤەرێن جودایێن هەرێمێ ڤەگریت و بریسی ژی دگەل دبن و پلەیێن گەرمێ دێ هێنە خار، دبێژیت ژی، ئەو پێلە تا رۆژا 20ـێ مەهێ دێ بەردەوام بیت.
لدیف نویترین ڕاگەهاندنا پەیڤدارێ حکومەتا رێڤەبرنا کارین هەرێمێ دەربارەی مووچەی، بەغدا جوداهیێ دکەت دناڤبەرا مووچەخۆران دا و پارەیێ پشکەکا مووچەخۆران نەهنارتیە، دبێژیت ژی، سیاسەتا جوداهیێ و برسیکرنێ قەبیل ناکەین.
دوو رۆژن لسەر ئێک کارمەندێن پۆلیسێن هاتن و چوونا سلێمانیێ، دژی گیروبوونا مووچەیێ وان بۆ دەمێ 50 رۆژان، بایکۆتا کارێن خۆ کرینە و ب چ ئاوایەکی مامەلەیێن وەلاتیان دەربازناکەن.