ڕۆژنامەگەریا کوردی دچ ئاست دەیە؟

632 جار خوێندراوەتەوە

ئەز باوەرم ئەو ڕۆژنامەڤانی یا ئەڤە 127 سالە نە بەلگێ خوە گوهورینە و نە ژی ڕهێن خوە دئاخێدە برینە خوار هەر وەها ئەڤێ ڕۆژنامەگەریا کوردی یا سەردەم نەشیایە "هەوارەکا نوو چاپ بکت؛

لەوما ئەز دشێم ڤی ناڤی ل ڕۆژنامەڤانی یا کوردیا نوکە بکم و بێژم میدیا یا لەنگ و لەغەر؟

ئەگەر ئەم هەلسەنگاندنا میدیا یا کوردی دگەل میدیایێن خەلکێ بکین ئەز دشێم بێ دوو دلی بێژم کو چاپەمەنی و ڕۆژنامەنڤیسی یا کوردی "دیل و بێ دەستهەلاتە.

وەکی کو تێت زانین ل جیهانی بگشتی "میدیا هێز و دەستهەلاتا چوارێ یە. ئەرێ میدیا یا کوردا ژی یا وەسا؟!نەخێر میدیا یا کوردا پشتی گەلەک سازیا و هەما بێژە ل رێزا 12 تێت.

میدیا یا کوردا نەـتحتە سفرە، بەلێ هەما بێژە "تەحت یا بسەرداهاتی، ئەگەر ئەم هەلسەنگاندنا "میدیا یا خوە دگەل هندەک سازی یێن خوە یێن دی بکین دێ بۆ مە دیاربت کا "میدیا چەند یا ژ هەڤالێن خوە ڤەمایی.

بۆ میناک:

1. ئەگەر هوین ل ئالییێن دی یێن سازی یێن کوردان بنێرن هوین دێ بینن کو ژ ئالییێ جەنگ و جەنگاوەرییێ ڤە کورد "پرفکتن و وان شیان ڤیروسەکی وەکی شلخەیا "داعش دناڤبەرا دیجە و فراتێ دا تێکبر و بنبڕبکن.

2. ژئالیێ سیاسەتێ ڤە وەکە هوین دزانن سیاسیێن کوردا بەلێ ئەوێن نە دقالبێن حزبێن کوردی دا شیاینە لسەر ناڤێ خوە بەژداریێ دپەرلەمانێ خەلکێ دا بکن و ببن پەرلەمەنتەر.

3.ژئالیێ وەرزشێ ڤە دیارە کو ل ڤێ داویێ چەند وەرزشکارێن،

جودا جودا وەکە لەشجوانی، کینگبوکس و چەند جورەیەکێن دی لسەر ئاستێ جیهانێ بوینە یەکەمین و حەتا "فتبوڵێ ژی لسەر

ئاستا و ڕۆژهەلاتا ناڤین دئاستەکی بلند دەیە.

4_ ژئالیێ تەندرۆستی و پژیشکی ڤە ژی چەند پژیشکێن کورد

لسەرانسەری جیهانێ ناڤێ خوە ب پسپوری دەرێخستنە.

5_ ژخو ژ ئالیێ میناسازی و ئاڤادانکرنێ ڤە یا ستار بو وان بالەخانەو قەسرێن بلند، بو نموونە "کوبانی "هەولێر و زاخو دکێمترین دەم دا هاتنە نویژەنکرن.

6_ پێشکەتنا کوردا ژئالیێ ئەزتەتیکێ و تشتێ بێکێر و بێ وەج ڤە وەکی

"بویاغ، سوراڤ و سپیاڤ و هەردیسان ژ "ئیسترادکرنا خوارن و ڤەخوارنێن گازی و ئالحکولی و جورەیێن نارگیلێ هەما بێژە لسەرانسەری ڕۆژهەلاتا ناڤین کورد پللەیا یەکێ نە.

دڤێرێدا ئەم دشێین بێژین "میدیا و راگەهاندنا کوردی هێزا یازدێ و دوازدێ یە، ژبەر چی؟!

ئەگەر ئەم دویڤچوونا میدایا کوردی ل کوردستانا مەزن بکین،

وەکو "ڕۆژهەلاتێ کوردستانێ میدیا هەر نینە بەلکو ئەڤ دیمەنێن جارنا دکەڤن پێش چاڤێن مە ژی یێن تەلەفونێن دەستێ چەند گەنجەکێن خوینگەرمن و نە زێدەتر.

ژخوە ئەگەر ئەم بەحسا "باکور و ڕۆژئاڤا بکین یانی میدیا یا نێزیکی وان ئەوێن دبێژنێ "تەڤگەرا ئازادی ب ڕاستی میدیایەکا "ئێتیم و سێویە گەلەک جاران تو دبینی ل "چراtv، "ئاریانtv، "نەۆروزtv حەتا "ستێرک تیڤی هەر وەکی "خودیک و نەینیکا مالێ نە، تەنێ ئەو ب خوە خوە تێدا دبینت،

لەوما ئەز دبێژم: تەڤگەرەکا وسا خوە خودانا کوردستانێ دبینت و دهەمان دەمدە ژی خوە سپارتی ڕۆژهەلاتا ناڤین و دنیا هەمی حسابێ بو بکت و خودانا خوە و ڤێ ڕاگەهاندێ بت براستی مخابن،

ڕاستە ئەڤ شەرێ ئەڤ تەڤگەرە تێدە شەرەکی گران و بێ هەمپایە بەلێ لگور دیتنا من ڤیابا پارێ سێ فیشەکا یەک فیشەک هاتبا کرین و پارێ 2 فیشەکان ژی ل میدیایێ هاتبا خەرچکرن، لێ مخابن هەروەکی کو ئەو ژی گرانیا "میدیایێ نزان و دباوەرا وان دە "میدیا نەگەلەکا گرنگە.

ئەم نها دێ ئێینە سەر میدیا و راگەهاندنا "باشورێ کوردستان ل باشور و هەرسێ پارچێن دن ژی ژبلی "ڕوداو مە چو تیڤی یێن دی نینن "ڕوداو یا ل هەمی دەرا پروفشنالە و بەردەوامە، لێ بەلێ هوین بخوە ژی دزانن کو ئەو دژمن و دژمنکاریا "ڕوداوێ دگەل کورد و کوردستانێ کری، چو میدیا و ڕاگەهاندنێن نەیارێن کوردا ژی دگەل کوردا نەکریە،

ئەگەر ئەم سەحکەین خالێن کەدا رووداوێ

1_ لسەر ڕوشەگەریێ کار نەکریە، هدی شیایی جڤاک یا ڤارێ کری.

2_ درب لێدانا زمان، چاند و هونەری،

3_ دیارکرنا خالێن لاوازێن کوردا و کفش و دیارکرنا و چەپەر و خالێن پێشیێن شەرڤان و پێشمەرگەهان دشەراندا.

4_ پەخشکرنا هەمی چالاکی و کونگرەیێن نەیارێن کوردا.

ئەگەر ئەم بەحسا کەنالێن ددویڤدا بکین وەک پێگوهورکا "ڕوداوێ، یەعنی "کوردستان 24 نە ژبو چو مەرەما هاتبوو ڤەکرن کو خزمەتا "میدیا کوردی بکت بەلکو هاتبوو سازکرن ژبو جهێ "ڕوداوێ بگرت، لەوما ژکەربێن روداوێ دا خوە کرە نوینەر و بەردەڤکا ڕژێما "ئیرانێ و دناڤا هەمی شینی و شادی یێن وێ پەخشدکرن، هەر ڕۆژ سێ بەرا رادکت ئێکی ل گوزەکا "ڕوداوێ ئێکی ل یا خوەئێکی ژی ل یا جڤاکێ ددت.

ئەڤجا ئەگەر ئەم بەحسا میدیا یا باشور بگشتی بکین و بێین سەر ئەڤان کەنالێن ژرێزێ و هویردە "نەعیزوبااللە "درەوین دوڕووی

تێکدەر و حەتا دوماهیکێ.

ئەز دبێژم میدیا و راگەهاندنا کوردی بگشتی یا دناڤ دەست و پێن حزبێن سیاسی دا فەتسی، لەوما ئەز ل وێ باوەرێ مە ئەگەر "میقدا و جەلادەت نوکە ل باشوربان دا هەر ئێکی 5 ژن و و 20 ترمبلێل و پاسەوان هەبن و دا هەر ڕۆژ لسەر گورا شێخەکی بۆ خوە خوەستەکا ژێ خوازن ئان ژی دا جارەکا دی ڤەگەرن"مسرێ بو خوە کونەکی ژکونێن بەرێ ڕەشتر ڤەدن

سەرەرایی ڤێ هەمی لەنگ و لاوازیێ ژی، دیسان ئەز بیرئانینا 127 سالیا ڕۆژنامەگەری یا کوردی ل "بەدرخانیان و هەمی ڕۆژنامەڤانێن پاکرەوان و گرتییێن زیندانان و یێن نوکە ژی باجا ڕوژنامەگەریەکا ئازاد ددن پیرۆز دکم.