شەهرام سەردار هونەرمەندی
گۆرانیبێژ بەم نزیکانە نوێترین ئەلبوومی بڵاودەکاتەوە.
ئەلبومە نوێیەکە بە
ناوی "بۆ دایکم" بڵاودەبێتەوە و لە ١٠ تراك پێكهاتووە، لەو بارەیەوە شەهرام
سەردار بە دیجیتاڵ میدیای ئێن ئاڕ تی وتووە، "موزیکی سەرجەم تراکەکانی لە
کوردستان و تورکیا و ئێران ئامادەکراوە، کارەکانی دیکەی لە تەواوبووندایە، و واچاوەڕوان
دەکرێت بەرهەمەکانی ئەم ئەلبوومە ببنە جێی رەزامەندی گوێگرەکانی".
شەهرام سەردار لە شاری
سلێمانی لەدایکبووە و هەر لە منداڵییەوە ئارەزووی بۆ گۆرانی و میوزیک هەبووە، لە
ساڵی ٢٠١٢ چووەتە بواری هونەرییەوە و لەو کاتەوە چەندین سینگڵ تراك و ڤیدیۆکلیپی بڵاوکردووەتەوە،
بەشداری لە بەشێکی زۆری پرۆگرامە هونەرییەکاندا کردووە.