PM:04:33:26/04/2024
820 جار خوێندراوەتەوە
+
-
ژێدەرەکی ل نڤیسینگەها سەرۆک وەزیرێن عێراقێ
راگەهاند، پشتی کۆ سەرۆک وەزیرێن عێراقێ ل واشنتۆن زڤڕی، بڕیارە ل داویا ڤێ مەهێ
سەرۆک وەزیرێن عێراقێ بۆ گۆتووبێژکرنێ لسەر پرسا ئابووری سەرەدانا ریازا پایتەختێ
سعودیە بکەت و دگەل شازادەیێ جهنشین یێ سعودیە بجڤیت. دبێژیت ژی، "بەری نها
دەربارێ چەند پرسان گۆتووبێژێن تایبەت کرینە".
ئەڤڕۆ ئەینی،
ژێدەرەکێ هایدار ل نڤیسینگەها سەرۆک وەزیرێن عێراقێ بۆ ئێن ئاڕ تی راگەهاند،
بڕیارە کۆربەندێ ئابوورییا ریاز رۆژا ٢٨ بۆ ٢٩ـێ نیسانا ئەڤسالە ب ڕێڤەبچیت بۆ ڤێ
مەرەمێ ژی محەمەد شیاع سودانی سەرۆک وەزیرێن عێراقێ دێ سەرەدانا ریاز کەت.
ئاماژە ب وێیەکێ ژیکر، بڕیارە پشتی تەمام
بوونا کۆربەندا ئابووری، سودانی دگەل محەمەد بن سەلمان شازادەیێ جهنشینێ سعودیە بجڤیت
بۆ گۆتووبێژکرنێ لسەر پرسێن ئابووری و داوی ئینان ب گرژی و ئالۆزیێن دەڤەرێ و ئاسایشا
ئابوورییا ناڤبەرا عێراقێ و سعودیە.
بەحسا وێیەکێ ژیکر، ئەڤ سەرەدانە دێ تایبەت
بیت ب کاراکرنا گرێبەستێن ئابووری ولاتێن عەرەبی و پشت گرێدان ب رێکا گەشەپێدانا
ئابوورییا عێراقێ وەکو دەرازینکا نوی یا ئابوورییا دەڤەرێ. گوت ژی، "سودانی
دڤێت دگەل ولاتێن دەڤەرێ و ئەمریکاپەیوەدنیەکا نوی یا ئابووری د ئاستێ نێڤدەولەتی دروست بکەت بۆ ڤێ مەرەمێ ژی
زێدەتری ٥٠ گرێبەستێن ئابووری دگەل ئەمریکا و تورکیا ئەنجام دایە".
هەڤدەم، ژێدەرەکی ل شاندا عێراقێ بۆ واشنتۆن
بۆ ئێن ئاڕ تی راگەهاند، سەرۆک وەزیرێن عێراقێ دگەل شازادەیێ جهنشین د پەیوەندیەکا
تەلەفۆنی دا گۆتووبێژ دەربارێ رێکار و پێنگاڤێن ب داوی ئینانا گرژی و ئالۆزیێن
داڤەرێ کرن. گوت ژی، "سعودیە و عێراق دێ بنە هەڤبەندیا ئەولەهی و ئابووریێ ل
دەڤەرێ".