PM:02:00:06/05/2024
52 جار خوێندراوەتەوە
+
-
سەرۆکێ فراکسیۆنا نەوەی نوێ ل گەڕا پێنجی ل پەرلەمانێ کوردستانێ
راگەهاند، هەیاما هەشت مەهانە حکومەتا رێڤەبرنا کاران داهاتێ ناڤخۆ و دەرازینکا
وەردگریت لێ ئێک دینار رادەستی بەغدا نەکریە و هەروەسا مووچە ژی دابەش نەکریە.
دبیژیت ژی، "مەسرور بارزانی و قوباد تالەبانی بەرپرسن ژ دەست بسەرداگرتن و
دیار نەمانا داهاتێ پەترۆلێ و دەرڤەی پەترۆلا هەرێمێ".
ئەڤڕۆ دووشەمبی،
کاوە عەبدولقادر سەرۆکێ فراکسیۆنا نەوەی نوێ ل گەڕا پێنجی ل پەرلەمانێ
کوردستانێ راگەهاند، مەسرور بارزانی و قوباد تالەبانی بەرپرسن ژ دەست بسەرداگرتن و
دیارنەمانا داهاتێ پەترۆلێ و دەرڤەی پەترۆلا هەرێمێ، ژبەر هندێ پێدڤیە ئەو داهات
بهێنە خزینا وەزارەتا دارایی و مووچەیێن پاشەکەفت پێ بهێنە دابەش کرن و پرۆژەیێن
نەتەمام کری پێ بهێنە تەمام کرن.
ئاماژە ب وێیەکێ ژیکر، لدیڤ نڤیسارا فەرمی یا وەزارەتا داراییا حکومەتا
رێڤەبرنا کاران داهاتێ ناڤخۆ و دەرازینکان مەهانە ٤٥٥ ملیار دینارە، ژبلی داهاتی
فرۆتنا پەترۆلێ ب پاریزنگەهـان ب ڕێکا تەنکەران، کو رۆژانە زێدەتری ٣٠٠ هزار
بەرمیلێن پەترۆلێ دفرۆشن.
گوت ژی، " نابیت داهاتێ ڤی ولاتی کو ملکێ خەلکێ کوردستانێ یە بۆ
خزمەتا دوو حزب و بنەمالەیان بهێتە بکارئینان".