PM:04:29:17/04/2024
824 جار خوێندراوەتەوە
+
-
پەیڤدارێ وەزارەتا داراییا حکومەتا
رێڤەبرنا کارێن هەرێمێ بۆ ئێن ئاڕ تی ڕاگەهاند، حکومەتا عێراقێ سوبەهی دێ دەست ب
دابەشکرنا مووچەی هێتە کرن، ژبەر ڤێ ژی دهێتە چاڤەرێکرن پشتی دابەشکرنا مووچەیێ
وەزارەتێن عێراقێ، مووچەیێ مەها چار بۆ هەرێمێ بهنێرن.
ئەڤرۆ سێشەمبی، هونەر جەمال، پەیڤدارێ وەزارەتا داراییا حکومەتا رێڤەبرنا کارێن هەرێمێ بۆ ئێن ئاڕ
تی ڕاگەهاند، تا حەفتیا بهێت هەمی بەرهەڤیان دکەن بۆ هنارتنا لیستا مووچەیێ مەها
چار یێ مووچەخۆرێن هەرێمێ بۆ بەغدا.
ئاماژە ب وێیەکێ ژی کر، حکومەتا عێراقێ سوبەهی
دێ دەست ب دابەشکرنا مووچەی کەت و پێشبینی دهێتە کرن پشتی دابەشکرنا مووچەیێ
وەزارەتێن عێراقێ، مووچەیێ مەها چار یێ مووچەخۆرێن هەرێمێ ژی رەوانە بکەن.
ئەڤە ژی د دەمەکێدایە، دوهی دووشەمبی، ژێدەرەکی ژ حکومەتا عێراقێ بۆ ئێن ئاڕ
تی ڕاگەهاند، هێزێن سیاسیێن عێراقێ لسەر جێبەجێکرن و هنارتنا مووچەیێ هەرێمێ د دەمێ
خۆ دا ڕێککەفتن و سودانی ژی ل ئەمریکا تەکەزی لسەر وێیەکێ کر کو ئاریشەیا مووچەیێ
هەرێمێ هاتیە چارەسەرکرن.