PM:07:28:30/04/2024
1500 جار خوێندراوەتەوە
+
-
رێڤەبەریا گشتی یا بەڕەڤانیا باژێڕێن هەرێمێ
راگەهاند، ژبەر وێ پێلا باران بارینێ کو بەرەڤ دەڤەرێن هەرێمێ دهێت، داخازێ ژ
وەلاتیان دکەین ژ وان جهان دویر بکەڤن کو ئاڤ لێ کۆم دبیت و دەستکاریا تێلێن
کارەبێ نەکەن ئەگەر لسەر عەردی کەفتبن. دبێژیت ژی، وەسا باشترە ئەگەر وەلاتیان
کارەکێ پێدڤی نەبیت د رۆژێن باران بارینێ دا سەفەرێ نەکەن بۆ دەرڤەی باژێڕان.
ئەڤڕۆ سێشەمبی،رێڤەبەریا گشتی یا بەڕەڤانیا باژێڕێن هەرێمێ
راگەهاند، پێلەکا باران بارینێ بەرەڤ دەڤەرێن هەرێمێ هاتییە و تا رۆژا دووشەمبیا
حەفتیا بهێت دێ بەردەوام بیت.
ئاماژە ب وێیەکێ ژیکر، ژبەر وێ پێلا باران
بارینێ وەلاتی و شوفێران هایدار دکەین ژ پێخەمەت پاراستنا ژیانا خۆ دویر ببکەڤن ژ
وان جهێن ئاڤ تێدا کۆمدبیت و ب چ ئاوایەکی نێزیکی چەم و دۆل و روویباران نەکەڤن،
ژبەرکو دبیت ژ نشکەکێ ڤە ئاستێ ئاڤێ بلند ببیت.
ئەو یەکژی بەرچاڤکر، داخازێ ژ وەلاتیان دکەین
دەستکاریا تێلێن کارەبێ نەکەن ئەگەر لسەر عەردی کەفتبن، داخازێ ژ شڤانان دکەین
دویر بکەڤن ژ جهێن بلند و ئەو جهێن دار و محاویلە لێ ژبەر مەترسیا بریسیان.
بەحسا ویێەکێ
ژیکر، وەسا باشترە د وان چەند رۆژێن باران بارینێ دا وەلاتی بۆ کارێن پێدڤی نەبن
گەشتا نەکەن و داخازێ ژ شۆفێرێن بارهەلگران دکەین ب لەز شۆفێریێ نەکەن.