PM:12:29:30/04/2024
1620 جار خوێندراوەتەوە
+
-
پشتی
کو بۆ هەیاما چەند رۆژان بهایێ دۆلاری ب بەردەوامی دهاتە خار، ئەڤرۆ ل دەمێ ڤەکرنا
بازارێن دراڤێن هەرێمی بهایێ ١٠٠ دۆلار ب ١٤٥ هزار و ٩٠٠ دیناران بازار پێ هاتە
کرن، هەڤبەر ب دوهی ل دەمێ داخستنا بازاران بهایێ وێ
١٥٠ دیناران بلند بوو.
ئەڤرۆ
سێشەمبی، ل دەمێ ڤەکرنا بازارێن دراڤێن هەرێمی بهایێ دۆلاری بلند بوو و 100 بهایێ
١٠٠ دۆلاران ب ١٤٥ هزار ٩٠٠ دیناران بازار پێ هاتە کرن، د نها ژی دا پشتی چەند
دەمژمێران ژ ڤەکرنا بازاران بهایێ ١٠٠ دۆلاران گەهشتیە ١٤٦ هزار و ١٠٠ دیناران.
بەری نها شێوەرمەندەکێ سودانی بۆ ئێن ئاڕ تی ڕاگەهاند،
سەرەدانا سودانی بۆ ئەمریکا سەدەمەکێ سەرەکیێ داکەفتنا بهایێ دۆلاریە و دهێتە چاڤەرێ
کرن ژی بهایێ دۆلاری زێدەتر بهێتە خار.
پشتی رێککەفتنا بەنکا ناڤەندی دگەل بەنکا جەی پی
مۆرگان، بەنکا ناڤەندی د هەیاما پێنج حەفتیێن دەربازبووی دا ب تێکڕا زێدەتری ئێک
ملیار و ٣٥٤ ملیۆن دۆلار فرۆتینە، د دەمەکێدا ل حەفتیا دەربازبووی، ئاستێ فرۆتنا زێدەتر
نەبوویە ژ ملیارەک و ٧٠ ملیۆن دۆلاران.
ئەڤە د دەمەکی دایە، عائد هیلالی، ئەندامێ شاندێ
سەرۆک وەزیرێن عێراقێ ل ئەمریکا بۆ ئێن ئاڕ تی ڕاگەهاند، سەرەدانا سودانی بۆ واشنتۆن
دەستەکەفتەکا زۆر بدەستڤەئینایە ب تایبەتی د بیاڤێ دارایی دا و رێکار بەرەڤ کۆنترۆلکرنا
بهایێ دۆلاری ب تەمامی دچن، چێدبیت د چەند رۆژێن بهێت دا ب ئاوایەکێ بەرچاڤ و بلەز
بهایێ دۆلاری دێ هێتە خار.